بيزنەستى قولداۋعا بولىنەتىن مەملەكەت قاراجاتى 1,5 ەسەگە ۇلعايادى
بۇل تۋرالى بۇگىن ۇكىمەت وتىرىسىندا ق ر ۇلتتىق ەكونوميكا ءمينيسترى رۋسلان دالەنوۆ ايتتى، دەپ حابارلايدى قازاقپارات ءتىلشىسى.
«بيزنەستىك جول كارتاسى -2020» وسى جىلى اياقتالادى. سوندىقتان باعدارلامانىڭ جاڭا جوباسى ازىرلەندى. جوبادا ماقساتتار مەن مىندەتتەر ساقتالدى، قولداۋ قۇرالدارى جەتىلدىرىلدى. ولاردىڭ تيىمدىلىگى مەن قولجەتىمدىلىگى ارتتى. ءبىرىنشى، اينالىم قاراجاتتىڭ نەسيەلەۋ كولەمى 60 ميلليوننان 360 ميلليون تەڭگەگە دەيىن ۇلعايادى. ەكىنشى، نەسيەلەردىڭ قولجەتىمدىلىگى ارتتىرىلۋدا. ول ءۇشىن ميكروقارجى ۇيىمداردى سۋبسيديالاۋ جانە كەپىلدەندىرۋ ەنگىزىلەدى. ءۇشىنشى، كاسىپكەرلەرگە جۇمىسپەن قامتۋ جانە سالىق تۇسىمدەرىن ارتتىرۋ تالابى جەتىلدىرىلدى. ءتورتىنشى، كاسىپكەرلەردى ءار ساتىدا سۇيەمەلەۋ كۇشەيتىلەدى. بۇل: وقىتۋ، نەسيە، قولداۋ الۋ ءۇشىن ءتيىستى قۇجاتتاردى دايىنداۋ جانە تاۋارلاردى وتكىزۋ جولدارىن ۇيىمداستىرۋ»، - دەدى «بيزنەستىڭ جول كارتاسى-2025» مەملەكەتتىك باعدارلاماسىنىڭ جاڭا جوباسىن تانىستىرعان رۋسلان دالەنوۆ.
ونىڭ دەرەگىنشە، باعدارلامانىڭ كەلەسى كەزەڭىنە 421 ميلليارد تەڭگە قاراستىرىلعان. قارجىلاندىرۋ وتكەن بەسجىلدىق كەزەڭگە قاراعاندا 1,5 ەسەگە ۇلعايدى. «بيزنەستىڭ جول كارتاسى 2025» باعدارلاماسىندا نىسانالى ينديكاتورلار كوزدەلگەن. ولار ەلىمىزدىڭ 2025-جىلعا دەيىنگى ستراتەگيالىق دامۋ جوسپارىنا سايكەس كەلەدى. ول ج ءى ءو- دەگى ش و ب ۇلەسىن كەم دەگەندە 35 پايىزعا، وڭدەۋشى ونەركاسىپتىڭ ۇلەسىن كەمىندە 13,4 پايىزعا جەتكىزۋ بولىپ بەلگىلەنگەن.
«ش و ب- تىڭ ۇدەمەلى دامۋى ەكونوميكانىڭ ساپالى وزگەرۋىنە ىقپال ەتەدى. بۇل ءۇشىن قاجەتتى شارالار قابىلدانۋدا. بيزنەستى جۇرگىزۋ شارتتارى تۇبەگەيلى جاقسارادى. كەدەرگىلەر تومەندەتىلىپ، رۇقسات بەرۋ قۇجاتتارىنىڭ تىزبەسى قىسقارادى. شاعىن جانە ورتا بيزەستى ىنتالاندىرۋ شارالارى قابىلدانۋدا. ءبىزدىڭ مىندەتىمىز - ىسكەرلىك ورتانى جەتىلدىرۋ. بۇل ەكونوميكانىڭ وسۋىنە ىقپال ەتەدى. 2025-جىلى ەكونوميكانىڭ 3/1-دەن استامى ش و ب- قا تيەسىلى بولادى. ال 2050-جىلعا قاراي ش و ب ج ءى ءو- ءنىڭ جارتىسىن قۇرايدى»، - دەدى مينيستر.