بيىل وتكەن جىلعا قاراعاندا نەگە 1,5 ميلليون توننا استىق كەم باستىرىلادى
بۇل تۋرالى بۇگىن ۇكىمەت وتىرىسىنان كەيىنگى باسپا ءسوز ءماسليحاتىندا اۋىل شارۋاشىلىعى ءمينيسترى ساپارحان وماروۆ ايتتى، دەپ حابارلايدى قازاقپارات ءتىلشىسى.
«جىل باسىنان نان باعاسى قىمباتتاپ كەلە جاتىر دەگەنىڭىز دۇرىس ەمەس. سەبەبى جىلدىڭ باسىندا وسى جەردە بريفينگ وتكىزىپ، نان باعاسىن ۇستاپ تۇرۋ ءۇشىن ازىق-تۇلىك كەلىسىمشارت كورپوراتسياسى 100-150 مىڭ تونناعا دەيىن استىقتى نان پىسىرەتىن كومبيناتتارعا تومەندەتىلگەن باعامەن ساتاتىندىعىن ايتقانمىن. سول بيدايدىڭ 100 مىڭ تونناسىن ساتتىق. ناننىڭ باعاسى سودان بەرى تۇراقتى»، - دەدى مينيستر ب ا ق وكىلدەرىنىڭ ساۋالىنا وراي.
سونىمەن قاتار ول اۋا رايىنىڭ قولايسىزدىعىنا بايلانىستى بيىلعى جىلى 1-1,5 ميلليون توننا استىق كەم جينالاتىندىعىن ايتتى.
«استىقتىڭ كەم جينالۋى ىشكى نارىققا اسەر ەتپەيدى. ويتكەنى، 19 ميلليون توننا استىق جينايتىن بولساق، ونىڭ 9 ميلليونى ىشكى نارىققا قالادى. 7-8 ميلليون تونناسىن ەكسپورتقا شىعارامىز. ار جاعىندا 2 ميلليون تاعى قالادى. ونىڭ ۇستىنە بىلتىرعى جىلدان قالعان اۋىسپالى 1,5 ميلليون استىق بار. سونىمەن ىشكى نارىقتى قامتاماسىز ەتۋگە استىق كولەمى جەتكىلىكتى بولادى. بۇعان قوسا، نان پىسىرەتىن كاسىپورىنداردى ۇنمەن، قۇس فابريكالارىن جەمدىك استىقپەن قامتاماسىز ەتۋ ءۇشىن كورپوراتسيا ساتىپ الاتىن 1 ميلليون توننانىڭ 150 مىڭ تونناسىن نان پىسىرۋشىلەرگە، 100 مىڭ تونناسىنقۇس فابريكالارىنا رەزەرۆتە ۇستاپ وتىرامىز»، - دەدى ساپارحان وماروۆ.
اۆتور: مارلان جيەمباي