بۇل عاجايىپ جاعداي: 1,5 مىڭ مەتر بيىكتەن قۇلاعان ايەل امان قالدى
ايەل كانادانىڭ ترۋا- ريۆەر قالاسىنىڭ اۋدانىندا پاراشيۋتپەن سەكىرگەن. ونىڭ نەگىزگى جانە قوسالقى پاراشيۋتتەرى اشىلماي قالىپ، سالدارىنان ورماندى جەرگە قۇلاعان، دەپ حابارلايدى Stan.kz اقپارات اگەنتتىگى CNN باسىلىمىنا سىلتەمە جاساپ.
زارداپ شەككەن ايەل ءتۇرلى جاراقاتپەن اۋرۋحاناعا جەتكىزىلدى. ونىڭ بىرنەشە سۇيەگى، سونىڭ ىشىندە ومىرتقاسىنىڭ ءبىرى سىنعان ەكەن. ابىروي بولعاندا، العان جاراقاتى ونىڭ ومىرىنە قاۋىپ ءتوندىرىپ تۇرعان جوق.
«بۇل عاجايىپ جاعداي. مۇنداي بيىكتىكتە ۇشاقتان قۇلاعان ادامنىڭ قالاي امان قالعانىن بىلمەيمىن» ، - دەيدى كۋاگەرلەردىڭ ءبىرى.
«ءبارىمىز الدەنەدەن ۇمىتتەندىك. ول ءۇشىن قاتتى ۋايىمدادىق» ، - دەيدى تاعى ءبىر ءپاراشيۋتشى.
پوليتسيا وقيعاعا قاتىستى تەرگەۋدى باستادى. انىقتالعانداي، ايەل بۇعان دەيىن پاراشيۋتپەن سەكىرىپ كورگەن ەكەن. تەرگەۋشىلەر قايعىلى جاعدايعا سالعىرتتىق سەبەپ بولعان- بولماعانىن تەكسەرىپ جاتىر.