ەلوردانىڭ ۇزدىك پەداگوگتارىنا 1,5 ميلليون تەڭگەدەن بەرىلەدى

None
None
نۇر-سۇلتان. قازاقپارات - نۇر-سۇلتان قالاسىندا 20-مامىردا، ياعني ەرتەڭ «ۇزدىك پەداگوگ-2019» رەسپۋبليكالىق بايقاۋىنىڭ قالالىق كەزەڭى وتەدى، دەپ حابارلايدى قازاقپارات ءتىلشىسى.

كونكۋرستىڭ جالپى سىيلىق قورى 10 ميلليون تەڭگە.

«بايقاۋدا ءبىلىم سالاسىنىڭ بارلىق دەڭگەيىندەگى ۇزدىك پەداگوگتار ءوز باعىن سىناي الادى. جالپى، ول 22- مامىرعا دەيىن سوزىلادى»، - دەپ حابارلادى قالالىق ءبىلىم باسقارماسىنان.

ناقتىراق ايتقاندا، مەكتەپكە دەيىنگى ۇيىمداردىڭ اتىنان قاتىساتىن بايقاۋى كەزەڭى 20-مامىر كۇنى ساعات 15:00 دە باستالادى. اتالمىش كەزەڭنىڭ باس جۇلدە يەگەرىنە - 696 مىڭ تەڭگە، ءبىرىنشى ورىنعا - 510 مىڭ تەڭگە، ەكىنشى ورىنعا - 340 مىڭ تەڭگە، ءۇشىنشى ورىن يەگەرىنە 226 مىڭ تەڭگە بەرىلەدى. سونداي-اق، مەكتەپكە دەيىنگى ۇيىم قىزمەتكەرلەرىنە «ادىسكەر پەداگوگ»، «زەرتتەۋشى پەداگوگ»، «ەرۋديت پەداگوگ»، «جاڭاشىل پەداگوگ» نوميناتسيالارى بويىنشا 100 مىڭ تەڭگەدەن تابىستالادى.

ال ورتاشا ءبىلىم بەرۋ ۇيىمدارىنىڭ اتىنان قاتىساتىن مۇعالىمدەردىڭ سايىسى وقۋشىلار سارايىندا 21- مامىردا ساعات 10.00 دە باستالادى. ول بايقاۋدا باس جۇلدە يەگەرىنە - 1 ميلليون 745 مىڭ تەڭگە، ءبىرىنشى ورىنعا - 1 ميلليون 645 مىڭ تەڭگە، ەكىنشى ورىنعا - 1 ميلليون 561 مىڭ تەڭگە، ءۇشىنشى ورىن يەگەرىنە 1 ميلليون 21 مىڭ تەڭگە تابىس ەتىلەدى. سونداي-اق، ول بايقاۋدا «ادىسكەر پەداگوگ»، «زەرتتەۋشى پەداگوگ»، «ەرۋديت پەداگوگ»، «جاڭاشىل پەداگوگ» اتالىمدارى بويىنشا 200 مىڭ تەڭگەدەن بەرىلمەك.

تەحنيكالىق جانە كاسىپتىك ءبىلىم بەرۋ ۇيىمدارىنىڭ اتىنان قاتىساتىن بايقاۋ كەزەڭى 22- مامىردا ساعات 10:00 دە ۇيىمداستىرىلادى. اتالمىش بايقاۋ كەزەڭىنىڭ باس جۇلدە يەگەرى - 696 مىڭ تەڭگە، ءبىرىنشى ورىن العانى - 510 مىڭ تەڭگە، ەكىنشى ورىن يەلەنگەنى - 340 مىڭ تەڭگە، ءۇشىنشى ورىن يەگەرى 226 مىڭ تەڭگە ۇتىپ الا الادى. «ادىسكەر پەداگوگ»، «زەرتتەۋشى پەداگوگ»، «ەرۋديت پەداگوگ»، «جاڭاشىل پەداگوگ» نوميناتسيالارى بويىنشا 100 مىڭ تەڭگەدەن تابىس ەتىلەدى.

قوسىمشا ءبىلىم بەرۋ ۇيىمدارىنىڭ قاتىسۋشىلارى اراسىندا بايقاۋ كەزەڭى 22- مامىردا ساعات 15:00 دە وتەدى. اتالمىش بايقاۋ كەزەڭىنىڭ باس جۇلدە يەگەرى - 500 مىڭ تەڭگە، ءبىرىنشى ورىن العانى - 400 مىڭ تەڭگە، ەكىنشى ورىن يەلەنگەنى - 300 مىڭ تەڭگە، ءۇشىنشى ورىن يەگەرى 200 مىڭ تەڭگە ۇتىپ الا الادى. «ادىسكەر پەداگوگ»، «زەرتتەۋشى پەداگوگ»، «ەرۋديت پەداگوگ»، «جاڭاشىل پەداگوگ» نوميناتسيالارى بويىنشا 50 مىڭ تەڭگەدەن بەرىلەدى.

سوڭعى جاڭالىقتار