+7 (701) 759 90 19 Лента
21 °С : استانا
29 °С : الماتى
USD 360.12 EUR 409.67
RUB 5.33 CNY 52.34
جاڭالىقتار

شىعىس قازاقستان وقۋشىلارى ءۇشىن 1,5 ميلليون وقۋلىق جەتكىزىلدى

12 تامىز 16:31 231
:ءبولىسۋ
شىعىس قازاقستان وقۋشىلارى ءۇشىن 1,5 ميلليون وقۋلىق جەتكىزىلدى

وسكەمەن. قازاقپارات - ش ق و- داعى جاڭا وقۋ باعدارلاماسىمەن وقيتىن سىنىپتار ءۇشىن 1,5 ميلليونعا جۋىق وقۋلىققا تاپسىرىس بەرىلگەن، دەپ حابارلايدى قازاقپارات altaynews.kz-كە سىلتەمە جاساپ.

2018 -جىلدىڭ قىركۇيەگىنەن باستاپ وڭىردەگى 3, 6, 8-سىنىپتار جاڭا وقۋ باعدارلاماسىنا كوشەدى. 1481133 دانا وقۋلىق قاتتالىپ دايىن تۇر.

ەستەرىڭىزدە بولسا، مينيستر ەرلان ساعاديەۆ ەلىمىزدەگى ءبىرقاتار ءوڭىر جاڭا وقۋ جىلىندا وقۋلىقسىز قالۋى مۇمكىن ەكەنىن ايتقان بولاتىن. الايدا بۇل ماسەلەنىڭ شىعىس وڭىرىنە قاتىسى جوق. ش ق و ءبىلىم باسقارماسى اۋداندارعا كىتاپ جەتكىزۋ جۇمىسى الدەقاشان باستالىپ كەتكەنىن ايتىپ وتىر. 15 -تامىزعا دەيىن وبلىستىڭ بارلىق مەكتەبى قامتاماسىز ەتىلەدى.

ايتا كەتەيىك، باسقارماداعىلار جۇمىس داپتەرلەرى بەكىتىلگەن وقۋلىقتار تىزىمىنە كىرمەيتىنىن ايتتى. ولار تەك كومەكشى ماتەريال بولعاندىقتان، ساتىپ الۋ مىندەتتى ەمەس.


باستى سوزدەر: ايماق,
:ءبولىسۋ
ونلاين قىزمەتكەرلەر
مۇراعات