فۋتبولدان ءا چ: قازاقستاندىقتار رەسەيدە 1,5 ميلليارد تەڭگەلەرىن جۇمساعان

استانا. قازاقپارات - فۋتبولدان الەم چەمپيوناتى اياقتالىسىمەن، ەكۆايەر بانكتەر قىزمەت كورسەتۋ ورىندارىنداعى اقشا اينالىمىن، سونداي- اق شەتەلدىك قوناقتاردىڭ شىعىندارىن ەسەپتەۋگە كىرىستى، دەپ حابارلايدى «قازاقپارات» ح ا ا «ۆەدوموستي» باسىلىمىنا سىلتەمە جاساپ.

 ۇيىمداستىرۋ كوميتەتىنىڭ مالىمەتىنشە، الەم چەمپيوناتىنىڭ ماتچتارىن تاماشالاۋعا 570 مىڭ شەتەلدىك كەلگەن.

« ВТБ بانكىنەن 14 - ماۋسىمنان 15 - شىلدەگە دەيىنگى ارالىقتا اقشا العان شەتەلدىك كارتالاردىڭ ىشىندە ا ق ش وكىلدەرى كوش باستايدى (800 ميلليون رۋبل)، ودان كەيىنگى ورىنداردا قىتاي (330 ميلليون)، قازاقستان (280  ميلليون)، ۇلى بريتانيا (194 ميلليون)، ارگەنتينا (164 ميلليون)، فرانسيا (158 ميلليون)، مەكسيكا (156 ميلليون) تۇر»، - دەپ مالىمدەدى ۇيىمداستىرۋ كوميتەتىنەن.

ايتا كەتەيىك، بۇگىندە ق ر ۇلتتىق بانكىنىڭ باعامى بويىنشا 1 رەسەي رۋبلى 5,47 تەڭگەگە تەڭ.

سبەربانكتىڭ ستاتيستيكاسى بويىنشا، رەسەيدە ەڭ كوپ اقشا قالدىرعاندار اراسىندا تاعى دا ا ق ش تۇرعىندارى كوش باستايدى - 5,6 ميلليارد رۋبل. ودان كەيىنگى ورىنداردا قىتاي (4,1 ميلليارد رۋبل)، مەكسيكا (2,2 ميلليارد)، ۇلى بريتانيا (1,9 ميلليارد) كەلەدى. ارگەنتينا، گەرمانيا جانە برازيليانىڭ ءارقايسىسىنىڭ ۇلەسىنە شامامەن 1 ميلليارد رۋبلدەن كەلەدى.

ال «وتكرىتيە» بانكىنىڭ مالىمەتتەرى بويىنشا، 14- ماۋسىمنان 5 -شىلدەگە دەيىن شەتەلدىكتەردىڭ ترانزاكسيالارى سانى 3,6 ەسەگە ارتقان.

شەتەلدىكتەر رەسەيدە ەڭ كوپ شىعىندى تاماققا جۇمساعان. سبەربانكتىڭ مالىمەتىنشە، ءدامحانالار مەن مەيرامحانالارعا، سونداي- اق فاستفۋدقا جۇمسالعان جالپى قاراجات 6,2 ميلليارد  رۋبلدى قۇراعان. ودان كەيىنگى ورىنداردا قوناقۇيلەر (5 ميلليارد) مەن ۇشاق بيلەتتەرى (1,4 ميلليارد) تۇر. بۇدان تىس، سپورت تاۋارلارى مەن كادەسىيلاردىڭ ساتىلىمىنان دا قىرۋار قارجى تۇسكەن.