15:24, 27 - مامىر 2018 | GMT +6
قىرعىزدار ازىرلەگەن 1,5 توننا بەسبارماق گيننەسس كىتابىنا ەندى
بىشكەك. قازاقپارات - بىشكەكتە 11 -ناۋرىزدا ازىرلەنگەن بەسبارماق گيننەسستىڭ رەكوردتار كىتابىنا ۇلتتىق تاعامنىڭ ەڭ ۇلكەن پورتسياسى رەتىندە رەسمي تۇردە ەنگىزىلدى. بۇل تۋرالى قازاقپارات كابارعا سىلتەمە جاساپ حابارلايدى.
اقپارات بويىنشا، دايىندالعان تاعامىنىڭ سالماعى 1464 كەلىنى قۇراعان. رەكوردتى «ايۋ حولدينگ» جانە LLC KazGrain قاۋىمداستىقتارى جاساعان. بەسبارماقتىڭ نەگىزگى ينگرەديەنتتەرىنىڭ ءبىرى - جىلقى ەتى.
ايتا كەتەيىك، 11 - ناۋرىزدا بىشكەكتە سالماعى 1464 كەلى جانە 117 مەترلىك چۋچۋك دايىندالعان بولاتىن. مۇنىڭ الدىندا 2015 -جىلى ەڭ ۇلكەن بەسبارماق استانادا تىركەلگەن بولاتىن. ول كەزدە 736,5 كەلى ەت دايىندالىپ، گيننەسستىڭ رەكوردتار كىتابىنا ەنگەن ەدى.