جاپون عالىمدارى تەمەكى شەگەتىندەردە كوروناۆيرۋس جۇقتىرۋ قاۋپى 1,5-2 ەسە جوعارى ەكەنىن انىقتادى

توكيو. قازاقپارات - جاپونيانىڭ حالىقارالىق دەنساۋلىق ساقتاۋ ۇلتتىق عىلىمي ورتالىعىنىڭ زەرتتەۋشىلەرى جاساندى تىنىس الۋ اپپاراتىن قاجەت ەتەتىن جاڭا كوروناۆيرۋستى جۇقتىرۋدىڭ اۋىر زارداپتارىنىڭ قاۋپى تەمەكى شەگۋمەن اۋىراتىن ەرلەردە 1,51 ەسە جانە ايەلدەردە 1,94 ەسە جوعارى ەكەنىن انىقتادى.

بۇل تۋرالى قازاقپارات NHK تەلەارناسىنا سىلتەمە جاساپ حابارلايدى.

عالىمدار 2021 -جىلدىڭ اقپانىنا دەيىن جاپونيادا اۋرۋحاناعا جاتقىزىلعان 20 مەن 80 جاس ارالىعىنداعى 17,6 مىڭعا جۋىق ىندەت جۇقتىرعانداردىڭ دەرەكتەرىنە تالداۋ جاسادى. جاپوندىق ساراپشىلاردىڭ پىكىرىنشە، تەمەكى شەگۋ جۇرەك پەن وكپەگە اسەر ەتەدى، سونىمەن قاتار سوزىلمالى اۋرۋلارعا اكەلەدى، سوندىقتان تەمەكى شەگۋشىلەر ينفەكتسيانىڭ اۋىر زارداپتارىنا كوبىرەك ۇشىرايدى.