قور نارىعىندا 1 دوللار 471 تەڭگەگە جۋىقتادى
24 ماۋسىم 17:14

قور نارىعىندا 1 دوللار 471 تەڭگەگە جۋىقتادى

الماتى. قازاقپارات - دوللاردىڭ تەڭگەگە شاققانداعى باعامى ءوستى، دەپ حابارلايدى قازاقپارات ءتىلشىسى.

KASE قور نارىعىنداعى كۇندىزگى ساۋدا قورىتىندىسى بويىنشا، دوللار باعامى 5,75 تەڭگەگە قىمباتتادى. ءبىر ا ق ش دوللارىنىڭ ورتاشا باعامى 470,90 تەڭگە.

ۇلتتىق بانكتىڭ 24- ماۋسىمداعى رەسمي باعامى - 1 دوللارعا 464,81 تەڭگە.

Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتىلەرىندە دوللاردىڭ ساتۋ باعامى - 466 تەڭگە، ساتىپ الۋ - 469 تەڭگە.

ال نۇر-سۇلتان قالاسى بويىنشا ساتۋ باعامى - 465,50 تەڭگەدەن بولسا، ساتىپ الۋ قۇنى - 468 تەڭگە.

ايتا كەتەيىك، قور نارىعىندا ءتورتىنشى كۇن قاتارىنان دوللار مەن رۋبل قىمباتتاپ جاتىر.

جاڭالىقتار