قازاقستاننىڭ ەكى وبلىسىندا 1-3 گرادۋس ۇسىك جۇرەدى

None
None
نۇر-سۇلتان. قازاقپارات - قازگيدرومەت 19 - قىركۇيەككە ارنالعان اۋا رايى بولجامىن جاريالادى، دەپ حابارلايدى قازاقپارات.

انتيتسيكلوننىڭ اسەرىنەن قازاقستان اۋماعىنىڭ باسىم بولىگىندە جاۋىن-شاشىنسىز اۋا رايى كۇتىلەدى.

تەك ەلدىڭ باتىسىندا تسيكلون اسەر ەتىپ جاڭبىر، نايزاعاي، داۋىل، بۇرشاق كۇتىلەدى.

رەسپۋبليكا بويىنشا كەي جەرلەردە جەل كۇشەيەدى، وڭتۇستىك-باتىستا شاڭدى داۋىل سوعىپ، سولتۇستىك پەن وڭتۇستىك-شىعىسىندا تۇمان تۇسەدى.

باتىس قازاقستان وبلىسىندا كەي جەرلەردە داۋىل بولىپ، جەل 15-20 م/س دەيىن كۇشەيەدى، بۇرشاق جاۋى ىقتيمال.

جامبىل، سولتۇستىك قازاقستان وبلىستارىنىڭ كەي جەرلەرىندە تۇمان كۇتىلەدى، جەل 15-20 م/س جەتەدى.

تۇركىستان، قىزىلوردا، ماڭعىستاۋ، اقتوبە، پاۆلودار وبلىستارىنىڭ كەي جەرلەرىندە، اتىراۋ وبلىسىنىڭ باسىم بولىگىندە جەل 15-23 م/س جىلدامدىقپەن سوعادى.

ماڭعىستاۋ وبلىسىندا شاڭدى داۋىل بولادى. تۇندە جامبىل، الماتى وبلىستارىنىڭ كەي جەرلەردە توپىراق بەتىندە 1-3 گرادۋس ۇسىك كۇتىلەدى.

قىزىلوردا وبلىسىنىڭ باسىم بولىگىندە، جامبىل، تۇركىستان، قاراعاندى، اقتوبە، اتىراۋ وبلىستارىنىڭ كەي جەرلەرىندە توتەنشە ءورت قاۋىپى ساقتالادى.

سوڭعى جاڭالىقتار