نورۆەگيا جاعالاۋىندا 1,3 مىڭ ادامى بار كرۋيزدىك كەمە اپاتقا ۇشىرادى
جەرگىلىكتىڭ بيلىكتىڭ مالىمەتىنشە، «ۆيكينگ- سكاي» كەمەسىنىڭ قوزعالىتقىشى ىستەن شىققان. ونداعى ادامداردىڭ ءبارى جاعالاۋعا جەتكىزىلىپ جاتىر. ەۆاكۋاتسيالاۋعا بەس تىكۇشاق پەن بىرنەشە كەمە جۇمىلدىرىلدى.
نورۆەگيانىڭ قۇتقارۋ اگەنتتىگى كەمە جەرگىلىكتى ۋاقىتپەن 14.00-دە دابىل بەلگىسىن جىبەرگەنىن حابارلادى. بۇل ۋاقىتتا تەڭىزدە قاتتى جەل سوعىپ، ۇلكەن تولقىندار بولعان.
لاينەر ترومسەدەن ستاۆانگەر پورتىنا رەيسپەن بارا جاتقان. بۇل ماڭ حۋستادۆيكا دەپ اتالادى، بۇل - نورۆەگيانىڭ ەڭ قاۋىپتى جاعالاۋى سانالادى.
قازىر ناقتىلانباعان مالىمەتكە سايكەس جاعالاۋعا شامامەن 100-گە جۋىق ادام عانا جەتكىزىلگەن.
كەمە جاعالاۋدان 5 شاقىرىم جەردە تۇر. قۇتقارۋشىلاردىڭ ايتۋىنشا، ول زاكىر تاستاعان، سوندىقتان جاعالاۋعا سوعىلماۋى ءتيىس. سونىمەن قاتار، ءبىر قوزعالتقىش ىسكە قوسىلىپ ءقاۋىپتى ازداپ سەيىلتكەن. بورتتا زارداپ شەككەن ەشكىم جوق.
جەرگىلىكتىڭ بيلىكتىڭ مالىمەتىنشە، قازىر جەلدىڭ جىلدامدىعى سەكۋندىنا 20 مەتر، ال تولقىنداردىڭ بيىكتىگى 10 مەترگە جەتەدى. وسىنىڭ سالدارىنان جەرگىلىكتى كەمەلەر لاينەرگە جاقىن كەلە الماي وتىر. ەۆاكۋاتسيا تەك تىكۇشاق كومەگىمەن جۇرگىزىلۋدە.
قۇتقارىلعاندار جاعالاۋداعى سپورت كەشەنىنە جانە قوناق ۇيلەرگە ورنالاستىرىلىپ جاتىر.
ەسكە سالا كەتسەك، مۇحيتتىق سىنىپتاعى «ۆيكينگ- سكاي» كرۋيزدىك لاينەرى العاش 2017 -جىلى جۇزۋگە اتتاندى. كەمە 930 جولاۋشى الىپ جۇرە الادى.