تايلاندتا اداسقان بالالار قۇتقارىلعان ۇڭگىردى قالپىنا كەلتىرۋگە 1,3 ميلليون دوللار جۇمسالدى
بيلىك وسى ارقىلى ۇڭگىردىڭ تۋريستىك الەۋەتىن ارتتىرماق، دەپ حابارلايدى قازاقپارات تاسس- قا سىلتەمە جاساپ.
ەكى اپتا بويى ۇڭگىردە اداسىپ جۇرگەن بالالاردى قۇتقارۋ پروتسەسىنە بۇكىل الەم كوز تىگىپ وتىردى. سوندىقتان ۇڭگىردى ءوز كوزىمەن كورگىسى كەلەتىن ادامدار الەمدە كوپ بولۋى ءتيىس.
ساراپشىلار اۋماقتى باسقارۋدىڭ ناقتى جوسپارى بولماسا، ۇڭگىردىڭ ىشىنە ايتارلىقتاي زاقىم كەلەتىنىن ايتىپ دابىل قاعادى. قالپىنا كەلتىرۋ پروتسەسى اياسىندا 2,4 مىڭ مەتر قۇبىر الىنىپ، ول ارقىلى سۋ تارتىپ شىعارىلدى.
بيلىك ۇڭگىردىڭ اينالاسىنداعى لاندشافتتى سوندا سالىناتىن بولاشاق مۋزەي جانە قۇتقارۋ وپەراتسياسىنىڭ 13^- ء^شى كۇنى قايتىس بولعان 38 جاستاعى تايلاندىق وفيتسەر سامان كۋناننىڭ ەسكەرتكىشىنە بەيىمدەۋدى جوسپارلاپ وتىر. جالپى، ۇلتتىق پاركتەگى ۇڭگىر ورنالاسقان 800 گەكتار جەر اباتتاندىرىلادى.
تحام لۋاڭتا سوڭعى رەت 2015 -جىلى زەرتتەۋ جۇرگىزىلگەن. سول كەزدە ماماندار تەك 700 مەتردەي عانا ىشكەرىلەي العان بولاتىن. سونىڭ وزىندە ماماندار ۇڭگىردىڭ جاسى 100 ميلليون جىلدان اساتىنىن بولجاعان.
قازىر ساراپشىلار ۇڭگىردىڭ قاۋىپسىزدىك جاعدايىن ەگجەي- تەگجەيلى تەكسەرۋ ءۇشىن سۋ دەڭگەيىنىڭ تومەندەۋىن كۇتىپ وتىر. بيلىك وكىلدەرى ۇڭگىردە بولۋى مۇمكىن وقىس وقيعالاردىڭ الدىن الۋ ءۇشىن تۋريستەرگە ارنالعان كورسەتكىشتەر، ەسكەرتپەلەر ورناتۋ قاجەتتىگىن ايتادى.