قازاقستاننىڭ قۇرىق تەڭىز پورتى بيىل 1 ميلليون 335 مىڭ توننا جۇك وتكىزدى
«نۇرلى جول» باعدارلاماسى اياسىندا بوي كوتەرگەن پارومدىق كەشەن اۋماعىندا 50 دەن استام عيمارات تۇرعىزىلعان. ولاردىڭ قاتارىندا شەكارا باقىلاۋ جانە كەدەن بەكەتتەرى مەن قوناق ءۇيى بار.
ترانس كاسپيي جاھاندىق كولىك ءدالىزىنىڭ ماڭىزدى بولىگى سانالاتىن ايلاقتا قازاق استىعى، مۇناي ونىمدەرى مەن تىڭايىتقىشى سۋ كولىگىنە تيەلەدى. ودان ءارى كەمەلەر كاسپي ماڭى ەلدەرىنە باعىت الىپ، بوسفور شىعاناعى ارقىلى ەۋروپاعا شىعادى. بۇگىندە قۇرىق پورتىن قۇرلىقپەن بورجاقتى - ەرساي تەمىرجول جەلىسى جالعايدى. سايكەسىنشە تەڭىز ايلاعىنا جۇك جەتكىزۋ كولەمىنىڭ ءوسىپ وتىرعانى بايقالادى. پورت باسشىلىعى قازىرگى مەجەنى ەندىگى جىلى ەكى ەسەگە كوتەرمەك.
تالعات وسپانوۆ، «قۇرىق پورتى» ج ش س باس ديرەكتورىنىڭ ورىنباسارى:
- بىلتىر پارومدىق كەشەندە اۆتوموبيل تەرمينالى ىسكە قوسىلعالى بەرى ەلىمىزدىڭ ترانزيت الەۋەتى ءوستى. مۇندا قىتاي جانە ورتا ازيا ەلدەرىنەن جۇك كولىكتەرى كەلەدى. كەيىن پارومعا تيەلىپ، كاسپي ماڭى ەلدەرىنە ودان ءارى تۇركياعا، ەۋروپا مەملەكەتتەرىنە تارالادى. كاسپي ايماعىنداعى ءتورت ەلمەن ارىپتەستىك بايلانىس جاندانىپ كەلەدى. 2019 -جىلى بۇگىنگى كورسەتكىشتى ەكى ەسەگ ۇلعايتۋدى جوسپارلاپ وتىرمىز.
www.24.kz