قازاقستان گەرمانياعا مۇناي ەكسپورتىن جىلىنا 1,2 ميلليون تونناعا جەتكىزۋدى جوسپارلاپ وتىر

استانا. قازاقپارات - مەملەكەت باسشىسى قاسىم- جومارت توقايەۆ ەۋروپاعا مۇناي جەتكىزۋ باعىتتارى تۋرالى ايتتى، دەپ حابارلايدى قازاقپارات.

ونىڭ ايتۋىنشا، ەنەرگەتيكا سەكتورى ءداستۇرلى تۇردە قازاقستاننىڭ ەۋروپالىق وداقپەن ءوزارا ءىس- قيمىلىنداعى نەگىزگى باعىتتاردىڭ ءبىرى بولىپ وتىر.

«ءبىز ەنەرگيا رەسۋرستارىن تاسىمالداۋ باعىتتارىن ءارتاراپتاندىرۋ بويىنشا ماقساتتى جۇمىس جۇرگىزىپ جاتىرمىز. قازىرگى ۋاقىتتا قازاقستان مۇنايىنىڭ ەۋروپاعا ەكسپورتىنىڭ %80- ى كاسپي قۇبىر كونسورتسيۋمى ارقىلى جۇرگىزىلەدى. ورتاق مۇددەلەرگە سۇيەنە وتىرىپ، ءبىز وسى ستراتەگيالىق ماڭىزدى مۇناي قۇبىرى ارقىلى ۇزاق مەرزىمدى جانە تۇراقتى جەتكىزىلىمدەردى قامتاماسىز ەتۋ ءۇشىن ە و تاراپىنان ءارى قاراي دا قولداۋ كۇتەمىز»، - دەدى پرەزيدەنت «ورتالىق ازيا - ەۋروپالىق وداق» باسشىلارىنىڭ ەكىنشى كەزدەسۋىندە.

پرەزيدەنت ازەربايجاندىق سەرىكتەستەرمەن تىعىز ىنتىماقتاستىقتا ترانسكاسپي باعىتىن دا دامىتىپ جاتقانىن ەسكە سالدى.

مىسالى، بيىلعى قاڭتار ايىنان باستاپ «اقتاۋ - باكۋ - تبيليسي - دجەيحان» باعىتى بويىنشا جىلىنا 1,5 ميلليون توننا قازاقستاندىق مۇناي جىبەرۋ باستالدى.

«ورتا مەرزىمدى پەرسپەكتيۆادا «اقتاۋ - باتۋمي» باعىتى بويىنشا مۇناي ەكسپورتىن كەڭەيتۋدى، سونداي- اق، ترانسكاسپي باعىتىنىڭ قۇبىرلارى ارقىلى ايداۋ كولەمىن ۇلعايتۋدى جوسپارلاپ وتىرمىز. وعان قوسا، قازاقستان گەرمانياعا «درۋجبا» قۇبىرى ارقىلى مۇناي جەتكىزۋدى باستادى. جىل باسىنان بەرى 90 مىڭ توننا كولەمىندە جەتكىزىلىم بولدى. بۇل كورسەتكىشتى كەلەشەكتە ۇلعايتىپ، جىلىنا 1,2 ميلليون تونناعا دەيىن جەتكىزۋ الەۋەتى بار»، - دەدى قاسىم- جومارت توقايەۆ.

اۆتور:

ايجان سەرىكجان قىزى