الماتىنىڭ كەلەسى جىلعى بيۋدجەتى - 1,2 تريلليون تەڭگە

الماتى. قازاقپارات - الماتى قالاسىنىڭ 2023 -جىلعا ارنالعان ناقتىلانعان بيۋدجەتى 1 تريلليون 258,2 ميلليارد تەڭگە بولىپ بەكىتىلدى.

ونىڭ باسىم بولىگى تۇرعىنداردى الەۋمەتتىك قولداۋعا باعىتتالادى، دەپ حابارلايدى قازاقپارات ءتىلشىسى.

كەزەكتەن تىس سەسسيادا ءماسليحات دەپۋتاتتارى قالا بيۋدجەتىن بەكىتتى. كەلەسى جىلى بيۋدجەت مىنا سالالارعا جۇمسالادى:

- مۇعالىمدەردىڭ، مەديتسينا قىزمەتكەرلەرىنىڭ ەڭبەگىنە اقى تولەۋگە، ۆاكتسينالار ساتىپ الۋعا، حالىقتى الەۋمەتتىك قولداۋعا 776,6 ميلليارد تەڭگە؛

- ينفراقۇرىلىمدىق جوبالاردى قارجىلاندىرۋعا 230 ميلليارد تەڭگە؛

- بيۋدجەتتىك الۋلارعا 207,2 ميلليارد تەڭگە؛

- م ج ءا شەڭبەرىندەگى مىندەتتەمەلەرگە جانە مەملەكەتتىك قارىزدى وتەۋگە 21,4 ميلليارد تەڭگە؛

الماتى قالاسى اكىمىنىڭ رەزەرۆىن تولىقتىرۋعا 22,5 ميلليارد تەڭگە. قالالىق اكىمدىكتىڭ مالىمەتىنشە، الماتى قالاسى بيۋدجەتىنىڭ جارتىسى تۇرعىنداردى الەۋمەتتىك قولداۋعا جۇمسالادى. 2520 ورىندىق 10 مەملەكەتتىك بالاباقشا سالۋ جوسپارلانىپ وتىر، تاعى 5000 ورىندىق مەملەكەتتىك تاپسىرىس جەكە بالاباقشالارعا بەرىلەدى.

جالپى 337 مىڭ وقۋشىنى قامتيتىن 211 مەكتەپتى، 16 ينتەرناتتىق مەكەمەنى، 50 كوللەدجدى ۇستاۋعا 242,5 ميلليارد تەڭگە جوسپارلانعان. 18 مەكتەپتەن تىس ۇيىمعا قوسىمشا ءبىلىم بەرۋگە تاعى 2,2 ميلليارد تەڭگە بولىنەدى. 2505 تاربيەشىنى، 3 مىڭ مەكتەپ ءمۇعالىمىن، 150 قىزمەتكەردى قايتا دايارلاۋعا جانە بىلىكتىلىگىن ارتتىرۋعا باسقارۋشى پەرسونالدان 2,8 ميلليارد تەڭگە باعىتتالادى.