+7 (701) 759 90 19
15 °С : نۇر-سۇلتان
24 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

ەلوردادا ازىق- تۇلىك باعاسىن تۇراقتاندىرۋعا قوسىمشا 1,2 ميلليارد تەڭگە ءبولىندى

15 ءساۋىر 10:22
:ءبولىسۋ
ەلوردادا ازىق- تۇلىك باعاسىن تۇراقتاندىرۋعا قوسىمشا 1,2 ميلليارد تەڭگە ءبولىندى

نۇر- سۇلتان. قازاقپارات - جىل باسىنان بەرى استانانىڭ دۇكەن سورەلەرىندەگى الەۋمەتتىك ماڭىزى بار ازىق- تۇلىك باعاسىن تۇراقتى ۇستاپ تۇرۋ ءۇشىن 4,6 ميلليارد تەڭگە جۇمسالعان، دەپ حابارلايدى قازاقپارات ءتىلشىسى.

نۇر- سۇلتان قالاسىنىڭ قوعامدىق كەڭەس وتىرىسىندا تۇراقتاندىرۋ قورىندا ساقتاۋلى تۇرعان ازىق- تۇلىكتىڭ مولشەرى تۋرالى ساۋال قويىلدى.

«جالپى باعانى تۇراقتاندىرۋعا بىزدە فورۆوردتىق كەلىسىمشارتتار تۇرىندە 4,6 ميلليا تەڭگە ءبولىندى. بۇل جوبادا سەگىز كاسىپكەرلىك سۋبەكتىسى جۇمىس ىستەيدى. سونداي- اق، ءماسليحات وتىرىسىندا باعانى ۇستاپ تۇرۋعا قوسىمشا 1,2 ميلليارد تەڭگە ماقۇلداندى. بۇل بەرىلگەن كەلىسىمشارتتار. ءبىز تىكەلەي فەرمەرلەرمەن جۇمىس ىستەي باستادىق. بۇرىنعى مەحانيزمنەن بىرتىندەپ باس تارتىپ جاتىرمىز»، - دەدى قالالىق ينۆەستيتسيالار جانە كاسىپكەرلىكتى دامىتۋ باسقارماسىنىڭ باسشىسى ەرلان بەكمىرزايەۆ.

اكىمدىك وكىلى تۇراقتاندىرۋ قورىنىڭ جۇمىسىن فورۆوردتىق ساتىپ الۋ ءتاسىلى ارقىلى باسقارۋعا وسىدان ءۇش جىل بۇرىن كىرىسىپ باستاعاندارىن ەسكە سالدى.

«الەۋمەتتىك كاسىپكەرلىك كورپوراتسياسى ارقىلى تىكەلەي وندىرۋشىلەرگە نەسيە بولەمىز. وندىرۋشىلەر ساۋدا جەلىلەرىمەن تىكەلەي بايلانىسادى، سايكەسىنشە كۇزدە الىناتىن ونىمنەن وزىمىزگە قاجەت مولشەردى الدىن الا قامداپ قويامىز. ورتاشا العاندا، باعالار ءداستۇرلى تۇردە قاڭتار- مامىر ايلارىندا، بىلتىرعى ءونىمنىڭ ءتۇبى كورىنىپ، جاڭاسى جەتىلىپ ۇلگەرمەي جاتقان كەزدە وسەدى. بۇل جۇمىستى جالعاستىرامىز»، - دەدى باسقارما باسشىسى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات