تەڭگە جىل باسىنان بەرى 1,2 پايىزعا السىرەدى - ۇلتتىق بانك
بۇل تۋرالى بۇگىن ۇكىمەت وتىرىسىندا ق ر ۇلتتىق بانكى ءتوراعاسى ەربولات دوسايەۆ ايتتى، دەپ حابارلايدى قازاقپارات ءتىلشىسى.
«تىكەلەي شەتەلدىك ينۆەستيتسيالاردىڭ تازا اكەلىنۋى وتكەن جىلعى كورسەتكىش دەڭگەيىندە قالىپتاسىپ، 5,1 ميلليارد دوللار بولدى. ول بەيرەزيدەنتتەردىڭ كىرىستەرىن قايتا ينۆەستيتسيالاۋمەن جانە رەزيدەنتتەردىڭ شەتەلدىك ەنشىلەس ۇيىمدارىنان كاپيتالىن قايتارۋىمەن قامتاماسىز ەتىلدى»، - دەدى ۇ ب ءتوراعاسى.
ونىڭ ايتۋىنشا، پورتفەلدىك ينۆەستيتسيالار بويىنشا كاپيتالدىڭ تازا اكەتىلۋى 13 پايىزعا ازايىپ، 9 ايدا 2,6 ميلليارد دوللار بولدى. كاپيتالدىڭ اكەلىنۋى قارجى مينيسترلىگىنىڭ 3 توقساندا 1,15 ميلليارد ەۋروعا ەۋرووبليگاتسيالار شىعارۋىمەن جانە «قازاتومونەركاسىپ» ۇ ا ك» ا ق جاھاندىق دەپوزيتارلىق قولحاتتارىن ساتۋمەن قامتاماسىز ەتىلدى.
«ىشكى ۆاليۋتا نارىعىنداعى سۇرانىس پەن ۇسىنىسقا يمپورتتىڭ بايقالىپ وتىرعان ءوسىمى جانە الەمدىك شيكىزات نارىقتارىنداعى باعا قۇبىلمالىلىعى اسەر ەتتى. قازاننان باستاپ 11- قاراشاعا دەيىن تەڭگەنىڭ السىرەۋى ءبىر دوللار ءۇشىن 388,74 تەڭگەگە دەيىن، ياعني 0,2 پايىز بولدى. بۇل كەزەڭدە تەڭگە باعامى ءبىر دوللار ءۇشىن 388,05- 390,12 تەڭگە شەگىندە وزگەردى. جىل باسىنان باستاپ السىرەۋ 1,2 پايىزدى قۇرادى»، - دەدى ە. دوسايەۆ.