ارىستانبەك مۇحامەدي ۇلى: 1-2 جىلدا قازاق كينوسى حالىقارالىق دەڭگەيگە شىعادى
استانادا ءوتىپ جاتقان ق ر مادەنيەت جانە سپورت مينيسترلىگىنىڭ كەڭەيتىلگەن القا ماجىلىسىندە ارىستانبەك مۇحامەدي ۇلى ءوز باسقارۋىنداعى ۆەدومستۆو ۇلتتىق كينونىڭ دامۋىنا ەرەكشە كوڭىل ءبولىپ كەلە جاتقانىن اتاپ ءوتتى.
«مەملەكەت باسشىسى قازاقستان تاريحىنداعى العاشقى «كينەماتوگرافيا تۋرالى» زاڭعا قول قويدى. كينوقاۋىمداستىق ءۇشىن جانە قازاقستاندىقتار ءۇشىن بۇل تاريحي وقيعا بولدى. ءبىز بارلىق پروگرەسسيۆتى الەمدە كينوونەر - قوعامنىڭ دامۋىنا جانە قوعامدىق سانانىڭ قالىپتاسۋىنا ىقپال ەتە وتىرىپ، وراسان زور الەۋمەتتىك جانە يدەولوگيالىق اسەرگە يە ەكەنىن جاقسى تۇسىنەمىز. ەكىنشىدەن، قازاقستاندىق كينونى جاپپاي پروكاتتا ىلگەرىلەتۋگە جاردەمدەسەتىن جانە ونىڭ شەتەلدىك فيلمدەر الدىندا باسىمدىعىن قامتاماسىز ەتەتىن جانە ۇشىنشىدەن، ۇلتتىق كينوعا الەمدىك كينوعا شىعۋعا مۇمكىندىك بەرەتىن زاڭ قابىلداندى» ، - دەدى مينيستر.
ارىستانبەك مۇحامەدي ۇلى ءوز بايانداماسىندا الەۋمەتتىك جەلىدە تاراعان اقپاراتتاردان دا حاباردار ەكەنىن ءبىلدىردى.
«بىزدە زاڭدى وقىماعان كەيبىر ازاماتتار بيىك مىنبەردەن ءسوز سويلەپ، قالجىڭمەن شابۋىل جاساعىسى كەلەدى. ال شىنتۋايتىنا كەلگەندە بۇل زاڭ - بىرەگەي. مەن سىزدەرگە سەنىمدى تۇردە 1-2 جىلدان كەيىن قازاق كينوسى حالىقارالىق دەڭگەيدە جارقىرايتىنىن ايتقىم كەلەدى. سەبەبى، بۇل زاڭ باردا، ءبىزدىڭ كەرەمەت رەجيسسەرلەرىمىز بەن اكتەرلەرىمىز باردا مىقتى تۋىندىلار ومىرگە كەلەرى انىق» ، - دەيدى مينيستر.
ارىستانبەك مۇحامەدي ۇلى جاڭا زاڭ بويىنشا ۇلتتىق كينولارعا ماڭىز بەرىلەتىنىن اتاپ ءوتتى.
«ءبىزدىڭ ۇلتتىق كينو 12 پايىزدىق قوسىمشا قۇنعا سالىناتىن سالىقتان بوساتىلادى. كينو ءتۇسىرىپ جۇرگەندەر مۇنداي جەڭىلدىكتىڭ ماڭىزىن بىلەدى. ءبىز زاڭدا فرانسيا، ا ق ش، رەسەي مەن قىتاي، وڭتۇستىك كورەيا سەكىلدى كينووندىرىسى دامىعان ەلدەردىڭ تاجىريبەسىن نەگىزگە الدىق» ، - دەدى ارىستانبەك مۇحامەدي ۇلى.