بىلتىر «قورعاستا» 1,2 ميلليون مىڭ تۋريست بولدى
«قازاقستان تەمىر جولى» كومپانياسى باسپا ءسوز قىزمەتىنىڭ مالىمەتىنشە، «قورعاسقا» بارۋشىلار 2018-جىلى 2017-جىلمەن سالىستىرعاندا 8 پايىزعا ارتقان.
«بۇعان تۋريستەردىڭ قاتىناۋى مەن ينۆەستورلاردىڭ بيزنەسىن اشىق جۇرگىزۋى ءۇشىن جاعدايلار جاساۋ جونىندەگى قابىلدانعان شارالار ىقپال ەتكەن. سونىمەن، جۇك تەرمينالىنىڭ اۋماعى 900 دەن 3500 شارشى مەترگە دەيىن ۇلعايتىلدى جانە جاڭعىرتىلدى.
اۋماعى 1800 شارشى مەتردى قۇرايتىن جايلىلىعى جوعارى كۇتۋ زالى دا بار. 15 توننالىق شاعىن جۇك كولىكتەرى بار پارك جاڭارتىلدى. بۇل كەلۋشىلەر جۇكتەرىن قابىلداۋ نۇكتەسىنەن جۇك تەرمينالىنىڭ بەرۋ ورىنىنا دەيىنگى ارالىققا جەتكىزۋ ۋاقىتىن قىسقارتۋعا مۇمكىندىك بەردى. كەلۋشىلەردىڭ جايلى قوزعالىسى بويىنشا ءبىرىڭعاي وپەراتور جۇمىس ىستەۋدە»، - دەلىنگەن حابارلامادا.
قازىرگى تاڭدا «قورعاس» ارنايى ەكونوميكالىق ايماعى قازاقستاندىق جانە شەتەلدىك قاتىسۋشىلارىن الەۋمەتتىكتەن وزگە، نەگىزگى سالىقتاردان بوساتۋ تۋرالى ماسەلە شەشىلۋدە. ق ر مەن ق ح ر ايرىقشا جوباسى «قورعاس» ح ش ى و - ساۋدا، ەكونوميكالىق، تۋريستىك جانە ينۆەستيتسيالىق ىڭتىماقتاستىق ءۇشىن قازاقستاندىق بولىكتەگى اۋماققا ينۆەستيتسيا تارتۋ مەن كاسىپكەرلىك قىزمەتتەردى دامىتۋدا ا ە ا ستاتۋسى قولايلى جاعدايلار جاسايدى.
2018-جىلدىڭ قورىتىندىسى بويىنشا 193 مىڭ شارشى مەتر عيمارات اۋماعى جانە 32,7 گەكتار اۋماقتا قۇرىلىس جۇرگىزۋگە 12 ينۆەستيتسيالىق كومپانيا تارتىلدى.
ايتا كەتەرلىگى، «قورعاس» ح ش ى و جۇمىس ىستەگەن جىلدارى ينۆەستيتسيالىق نىسانداردى سالۋعا 21 كەلىسىم جاسالدى. ينفراقۇرىلىمدىق نىسانداردى قوسپاعاندا، جەر ۋچاسكەلەرىنىڭ اۋماعى 113,5 گەكتاردى قۇراسا، عيماراتتاردىڭ اۋماعى 805,4 مىڭ شارشى مەترگە جەتتى.