+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

شالعاي 1,2 مىڭ اۋىلعا ينتەرنەتتى جەتكىزۋ تۋرالى كەلىسىمگە قول قويىلدى

4 قازان 12:33
:ءبولىسۋ
شالعاي 1,2 مىڭ اۋىلعا ينتەرنەتتى جەتكىزۋ تۋرالى كەلىسىمگە قول قويىلدى

استانا. قازاقپارات - استانادان شالعاي جاتقان اۋىلدارعا ينتەرنەتتى جەتكىزۋ بويىنشا كەلىسىمشارت راسىمدەلدى. سونىڭ اياسىندا 1200 اۋىلعا كەڭ جولاقتى عالامتورعا قوسىلادى، دەپ حابارلايدى قازاقپارات ءتىلشىسى.

ينتەرنەت وپتيكالىق- تالشىقتى جەلىلەر ارقىلى تارتىلاتىن بولادى. وسى جۇمىستى «قازاق تەلەكوم» ا ق- سى جانە تاعى ءبىر كونسورتسيۋم اتقارادى. كونسورتسيۋمعا «SilkNetCоm» ج ش س جانە «ترانس تەلەكوم» ا ق كىرەدى. جالپى، اتالعان كومپانيالار 20 مىڭ شاقىرىمدى قۇرايتىن وپتيكالىق- تالشىقتى جەلىلەردى تارتىپ بەرەدى. سونىڭ باسىم بولىگى - 14,2 مىڭ شاقىرىمى «قازاق تەلەكومعا» تيەسىلى. جوبا اياسىندا مىڭداعان مەكتەپتەر، اۋرۋحانالار مەن مەملەكەتتىك ورگاندار جىلدام ينتەرنەتكە قوسىلا الادى.

ق ر اقپارات جانە كوممۋنيكاتسيالار ۆيتسە- ءمينيسترى دارىن تۇياقوۆتىڭ ايتۋىنشا، ينتەرنەتكە قوسىلاتىن اۋىلداردىڭ ناقتى سانى - 1249. ول جەردە 2,4 ميلليون ادام تۇرادى. «بۇدان بولەك، شامامەن، 3700 مەملەكەتتىك ورگان كەڭ جولاقتى ينتەرنەتكە قوسىلادى. وسىنىڭ ارقاسىندا ءبىز قالا مەن اۋىل اراسىنداعى سيفرلىق الشاقتىق ماسەلەسىن شەشەتىن بولامىز. بارلىق جۇمىستار مەملەكەتتىك- جەكەشەلىك سەرىكتەستىك نەگىزىندە اتقارىلادى»، - دەيدى د. تۇياقوۆ.

جوسپارعا سايكەس، اعىمداعى جىلدىڭ اياعىنا دەيىن ينتەرنەت 105 مىڭ ادامعا تارتىلسا، 2019 -جىلى - 1,2 ميلليون ادامعا، ال 2020 -جىلى قالعاندارعا كەڭ جولاقتى عالامتور جەتكىزىلەدى.

ال «قازاق تەلەكومنىڭ» باسشىسى قۋانىشبەك ەسەكەيەۆتىڭ سوزىنە قاراعاندا، ينتەرنەتتىڭ ساپاسى قالادان كەم تۇسپەيدى. باعاسى جاعىنان دا ايىرماشىلىق بولمايدى.

«قازىر ءبىر ابونەنتكە شامامەن 2500 تەڭگە كەلەدى. سوندا ءبىر ءۇيدىڭ تولەماقىسى 4000 مىڭ تەڭگەنى قۇرايدى. تۋرا سونداي تاريف اۋىلدا دا بولادى»، - دەپ اتاپ كورسەتتى ق. ەسەكەيەۆ.

ايتا كەتەيىك، ءۇشجاقتى كەلىسىمشارتتى ق ر اقپارات جانە كوممۋنيكاتسيالار مينيسترلىگى، «قازاق تەلەكوم» ا ق جانە كونسورتسيۋم قول قويدى. وعان سايكەس، قارجىلاندىرۋ شارالارى بىرلەسىپ اتقارىلادى.

اۆتور: ارمان اسقاروۆ


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات