11:51, 10 - شىلدە 2021 | GMT +6
قازاقستان بيىلعى 1-جارتىجىلدىقتا 21,7 ميلليارد دوللاردىڭ تاۋارىن ەكسپورتقا شىعاردى
نۇر- سۇلتان. قازاقپارات - قازاقستان 2021 -جىلدىڭ 1-جارتىجىلدىعىندا 21,7 ميلليارد دوللاردىڭ تاۋارىن ەكسپورتقا شىعاردى.
بۇل تۋرالى ۇكىمەتتىڭ كەڭەيتىلگەن وتىرىسىندا ق ر پرەمەر- ءمينيسترى اسقار مامين ايتتى، دەپ حابارلايدى قازاقپارات ءتىلشىسى.
«سىرتقى نارىقتارداعى احۋال تۇراقتانىپ كەلە جاتقاندىقتان، يمپورت الماستىرۋ جانە ەكسپورتتى دامىتۋ بويىنشا قابىلداپ جاتقان ءىس- شارالار بيىلعى جىلدىڭ العاشقى 5 ايىندا ساۋدا بالانسىنىڭ وڭ سالدوسىن 7 ميلليارد دوللار دەڭگەيىندە ساقتاۋعا مۇمكىندىك بەرەدى»، - دەدى ۇكىمەت باسشىسى.
پرەمەر- ءمينيستردىڭ اتاپ وتۋىنشە، سىرتقى ساۋدا اينالىم 36,4 ميلليارد دوللار دەڭگەيىندە قالىپتاستى.
«ەكسپورت كولەمى 21,7 ميلليارد دوللار، يمپورت كولەمى 14,7 ميلليارد دوللار بولدى. ال وڭدەلگەن تاۋارلار ەكسپورتى 23,4 پايىزعا ءوسىپ، 7,2 ميلليارد دوللارعا دەيىن جەتتى»، - دەدى اسقار مامين.
اۆتور: مارلان جيەمباي