1-سىنىپقا قۇجاتتاردى قابىلداۋ 20-تامىزعا دەيىن ۇزارتىلدى
ەلىمىزدە كارانتيندىك رەجيمنىڭ ۇزارتىلۋىنا بايلانىستى ق ر ءبىلىم جانە عىلىم مينيسترلىگى ءبىرىنشى سىنىپقا قۇجاتتاردى قابىلداۋ مەرزىمىن 20-تامىزعا دەيىن ۇزارتادى. بۇگىنگى كۇنى 350 مىڭعا جۋىق ءوتىنىش ءتۇستى. ولاردىڭ باسىم كوپشىلىگى egov.kz «ەلەكتروندىق ۇكىمەت» پورتالى ارقىلى قابىلداندى. مەديتسينالىق انىقتامالاردى الۋ كەزىندەگى قيىندىقتارعا بايلانىستى ءبىلىم بەرۋ ۇيىمدارىنا قۇجاتتار تاپسىرۋ كەزىندە ولاردى ۇسىنباۋعا ۋاقىتشا رۇقسات ەتىلەدى.
مەديتسينالىق انىقتامالاردى مۇمكىندىك بولعان كەزدە تاپسىرۋعا بولادى. باستاۋىش سىنىپ وقۋشىلارىنىڭ اتا-انالارىنىڭ جازباشا ءوتىنىشى بويىنشا، ءبىلىم بەرۋ ۇيىمىندا جاعداي بولسا، ءبىرىنشى توقساندا قاتاڭ سانيتارلىق شارالاردى ساقتاي وتىرىپ، كەزەكشى سىنىپتاردىڭ جۇمىس ىستەۋى ۇيىمداستىرىلادى.
ەسكە سالساق، 1-سىنىپقا قۇجاتتاردى قابىلداۋ 1-تامىزعا دەيىن جالعاساتىندىعى تۋرالى بۇعان دەيىن حابارلاعان بولاتىنبىز.