اقمولا وبلىسىنىڭ شەنەۋنىكتەرى مەن ا ق ش ازاماتى 1,1 ميلليارد تەڭگە جىمقىرعان - پروكۋراتۋرا

كوكشەتاۋ. قازاقپارات - اقمولا وبلىستىق سوتىنىڭ قاۋلىسىمەن مەملەكەت پايداسىنا ا ق ش ازاماتشاسىنىڭ مۇلكى تاركىلەندى، دەپ حابارلايدى قازاقاپارات ءتىلشىسى.

اقمولا وبلىسى پروكۋراتۋراسىنىڭ مالىمەتىنشە، تەرگەۋ بارىسىندا بۋراباي جاعالاۋىندا ورنالاسقان جەر ۋچاسكەسى بار جەكە كلينيكانىڭ جاڭا عيماراتى مەن «Lexus» ماركالى اۆتوكولىكتىڭ زاڭسىز ساتىپ الىنعانى انىقتالدى.

«قىلمىستىق ءىستى تەرگەۋ اياسىندا وبلىستىڭ ارنايى پروكۋرورلارىنىڭ ءوتىنىشى بويىنشا اقمولا وبلىستىق سوتىنىڭ قاۋلىسىمەن مەملەكەت پايداسىنا ا ق ش ازاماتشاسى «گ. يۋ. ا.» مۇلكى تاركىلەندى. «گ. يۋ. ا.» كلينيكالار جەلىسىنىڭ يەسى بولا تۇرا، دەنساۋلىق ساقتاۋ باسقارماسىنىڭ بۇرىنعى باسشىلارىمەن ءبىر توپتا مەملەكەتتىك- جەكەشەلىك ارىپتەستىك شارتى شەڭبەرىندە ەسكى مەديتسينالىق جابدىقتى جاڭا رەتىندە جەتكىزىپ، 1167513600 تەڭگە سوماسىنا بيۋدجەت قاراجاتىن جىمقىرعان دەگەن كۇدىككە ءىلىندى. سونىمەن قاتار مەديتسينالىق جابدىقتاردىڭ ءبىر بولىگى جۇمىس ىستەمەيتىندىگى انىقتالدى»، - دەلىنگەن وبلىستىق پروكۋراتۋرا حابارلاماسىندا.

كۇدىكتىلەر وسى اقشاعا جاڭا ەمحانا عيماراتىن 890 ميلليون تەڭگەگە سالىپ، ونى مەملەكەتكە 4,5 ميلليارد تەڭگەگە ساتۋعا تىرىسقان. مۇنىمەن قوسا «گ. يۋ. ا.» 2021 -جىلعى ساۋىردە قىلمىستىق ءىس تىركەلگەنگە دەيىن قازاقستان شەكاراسىنان شىعىپ كەتكەن.

وسىعان بايلانىستى وعان كۇزەتپەن ۇستاۋ بۇلتارتپاۋ شاراسى سىرتتاي قولدانىلىپ، حالىقارالىق ىزدەۋ جاريالاندى.

«اقمولا وبلىستىق سوتىنىڭ 2023 -جىلعى ەكىنشى ماۋسىمداعى قاۋلىسىمەن (زاڭدى كۇشىنە ەندى) مەملەكەت پايداسىنا جوعارىدا اتالعان مۇلىك تاركىلەندى. اقمولا وبلىسى دەنساۋلىق ساقتاۋ باسقارماسىنىڭ بۇرىنعى باسشىلارىنا قاتىستى نەگىزگى قىلمىستىق ءىس سوتقا جەتتى. ال كۇدىكتىلەر قاماۋعا الىندى»، - دەدى وبلىستىق پروكۋراتۋرادان.

ايتا كەتەيىك، اقمولا وبلىسىنىڭ ارنايى پروكۋرورلارى رەسپۋبليكا بويىنشا العاش رەت حالىقارالىق ىزدەۋدە جۇرگەن ادامنىڭ مۇلكىن ۇكىم شىعارعانعا دەيىن سوتقا دەيىنگى تاركىلەۋ تەتىگىن قولداندى.