عارىشتان جاسالعان فوتولار قازاقستانداعى 1,1 مىڭ قوقىس ءۇيىندىسىن انىقتادى
ۆەدومستۆودان ءمالىم ەتكەندەي، اتالعان كەزەڭدە 1114 ستيحيالىق قوقىس ءۇيىندىسى انىقتالدى.
«جىل باسىنان 12 گەوسەرۆيس جۇمىسى وزەكتەندىرىلدى. 3,5 مىڭ بىرلىك نەمەسە تۇنىقتىعى جوعارى 1,5 ميلليون شارشى كيلومەتر بولاتىن عارىش تۇسىرىلىمدەرى ۇسىنىلدى. سونداي-اق، تۇنىقتىعى ورتاشا سۋرەتتەر بار، ولاردىڭ سانى 75 بىرلىك نەمەسە 440 مىڭ شارشى كيلومەتر اسادى. عارىش مونيتورينگىنىڭ ناتيجەلەرى مەملەكەتتىك ورگانداردىڭ جۇمىسىندا قولدانۋ ءۇشىن مامانداندىرىلعان گەوسەرۆيستەرگە جۇكتەلەدى.
بۇدان باسقا، دەرەكتەردى ينتەگراتسيالاۋدى ورىنداۋ ءۇشىن جەرگىلىكتى اتقارۋشى ورگانداردىڭ اقپاراتتىق جۇيەلەرىمەن سالىستىرۋ تۇراقتى جۇرگىزىلەدى. مىسالى، عارىشتىق مونيتورينگىلەۋ ارقىلى بۇگىندە جالپى اۋدانى 350 مىڭ شارشى كيلومەتردەن استام اۋىلشارۋاشىلىق القاپتارىنىڭ ءپىشىنى وزەكتەندىرىلدى، شامامەن 19 ميلليون گەكتار ءداندى داقىلعا ارنالعان ەگىستىك الاڭى انىقتالدى. سونداي-اق، ورمان اعاشىن كەسۋدىڭ 1104 پوليگونى قانشالىقتى زاڭعا ساي جۇمىس ىستەپ جاتقانى تالداندى. عارىش سۋرەتتەرى توتەنشە جاعدايلاردى انىقتاۋعا دا كومەكتەسەدى: 87 مىڭنان استام تەرمالدى نۇكتە بەلگىلى بولدى جانە 1073 ءورت وقيعاسى تىركەلدى، ورتەنگەن اۋماقتىڭ اۋدانى 650 مىڭ گەكتاردان اسادى»، - دەلىنگەن اقپاراتتا.