+7 (701) 759 90 19
-21 °С : نۇر-سۇلتان
-9 °С : الماتى
USD 386.44 EUR 428.37
RUB 6.06 CNY 54.93
جاڭالىقتار

نۇر- سۇلتاندا حالىق سانى 1,1 ميلليون ادامعا جەتتى

19 قىركۇيەك 19:09
:ءبولىسۋ
نۇر- سۇلتاندا حالىق سانى 1,1 ميلليون ادامعا جەتتى

نۇر- سۇلتان. قازاقپارات - سوڭعى 10 جىلدا ەلورداداعى شاعىن جانە ورتا بيزنەس سۋبەكتىلەرىنىڭ سانى 5 ەسە ارتىپ، 130 مىڭعا جەتتى.

بۇل تۋرالى بۇگىن VI كاسىپكەرلەر كونفەرەنسياسىندا نۇر- سۇلتان قالاسىنىڭ اكىمى التاي كولگىنوۆ ايتتى، دەپ حابارلايدى قازاقپارات ءتىلشىسى.

«ءبىز ءۇشىن شاعىن جانە ورتا بيزنەستى دامىتۋ - بارىنشا ماڭىزدى مىندەت. قازىرگى ۋاقىتتا جالپى وڭىرلىك ءونىم قۇرىلىمىندا شوب ۇلەسى 58,8 پايىزعا جەتىپ وتىر. بۇل وتە جاقسى كورسەتكىش، مەملەكەت قولداۋى انىق بايقالادى. بيزنەستىڭ بەلسەندىلىگى دە ارتىپ كەلەدى. ۋاقىتتىڭ سىن- تەگەۋرىنى ءبىزدى ويلاندىرماي قويمايتىنى تۇسىنىكتى. باسەكە دە ارتا تۇسۋدە. سوندىقتان مۇنداي كەزدەسۋلەر شەشىمىن كۇتىپ تۇرعان ماسەلەلەرمەن بىرلەسە جۇمىس ىستەۋگە سەپتىگىن تيگىزەدى. ايتا كەتەرلىگى، سوڭعى 10 جىلدا ەلورداداعى شوب ۇلەسى 5 ەسە ارتىپ، 25 مىڭنان 130 مىڭعا جەتتى»، - دەدى قالا باسشىسى.

ونىڭ دەرەگىنشە، شوب شىعاراتىن ءونىم كولەمى جىل قورىتىندىسىندا 800 ميلليارد تەڭگەدەن 5 تريلليون تەڭگەگە دەيىن ۇلعايادى. ينۆەستيتسيانىڭ 90 پايىزى دا جەكە سەكتوردىڭ ۇلەسىنە ءتيىپ وتىر. مۇنان بولەك، جەكەمەنشىك بالاباقشالاردىڭ دا سانى ارتىپ كەلەدى. بۇگىندە ەلوردادا 22590 ورىنعا ارنالعان جەكەمەنشىك بالاباقشا مەن مەكتەپتەر جۇمىس ىستەپ تۇر. جەكەمەنشىك ەمحانالار دا دامي تۇسۋدە، قازىرگى ۋاقىتتا ەلوردادا وسىنداي 14 مەكەمە جۇمىس ىستەيدى.

سونىمەن قاتار التاي كولگىنوۆ قازىرگى ۋاقىتتا ەلوردانىڭ تۇرعىندارى سانى 1 ميلليون 100 مىڭ ادامعا جەتكەنىن ايتتى. بۇل دا شاعىن جانە ورتا بيزنەستى دامىتۋعا مول مۇمكىندىك بەرەتىنىنە نازار اۋدارتتى.

«اتامەكەن» پالاتاسىمەن بىرگە شاعىن بيزنەسكە ارنالعان 1 مىڭ ورىن دەپ اتالاتىن تاعى ءبىر الەۋمەتتىك شارانى ازىرلەدىك. ول جاقسى جۇمىس ىستەپ تۇر جانە ونى ودان ءارى جالعاستىرامىز. ارنايى ەكونوميكالىق ايماقتى دا كەڭەيتەمىز. بۇل بيزنەسكە، اسىرەسە قالامىزدىڭ نەگىزگى ەكونوميكالىق درايۆەرى سانالاتىن قۇرىلىس سەكتورىنا قوسىمشا مۇمكىندىك بەرەدى. №1 يندۋستريالىق پارك تە جاقسى جۇمىس ىستەپ تۇر. ول 97 پايىز تولعان. ەندى «اتامەكەن» پالاتاسىمەن بىرىگىپ، ونى كەڭەيتۋ ماسەلەسىن قاراستىردىق. ياعني، 400 گەكتار جەرگە №2 جاڭا يندۋستريالىق پارك قۇرامىز»، - دەدى التاي كولگىنوۆ.

اۆتور: مارلان جيەمباي


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات