شىلدەنىڭ 1 ىنەن باستاپ ەكى بىردەي الەۋمەتتىك جاردەماقىنىڭ كولەمى 14,5 پايىز وسەدى

استانا. قازاقپارات – 1- شىلدەدەن باستاپ مۇگەدەكتىگى بار ادامدار مەن اسىراۋشىسىنان ايىرىلعاندارعا بەرىلەتىن جاردەماقى 14,5 پايىز وسەدى.

بۇل تۋرالى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى نازگۇل ساعىندىقوۆا ورتالىق كوممۋنيكاتسيالار قىزمەتىندە وتكەن بريفينگىدە ايتتتى، دەپ حابارلايدى قازاقپارات.

«الەۋمەتتىك كودەكس اياسىندا 1- شىلدەدەن باستاپ مۇگەدەكتىك بويىنشا، اسىراۋشىسىنان ايىرىلۋ سەبەبىمەن تولەنەتىن الەۋمەتتىك جاردەماقىلاردىڭ كولەمى ۇلعايادى. ونىڭ مولشەرى ورتا ەسەپپەن 14,5 پايىزعا ارتادى. وسى ماقساتتارعا رەسپبۋليكالىق بيۋجەتتەن قوسىمشا 41 ميلليارد تەڭگە ءبولىندى» ، - دەدى ول.

ۆيتسە-ءمينيستردىڭ سوزىنە قاراعاندا، بيىل مۇگەدەكتىگى بار ادامداردى قاجەتتى بۇيىمدارمەن قامتۋ ءۇشىن بيۋجەتتەن 70 ميلليارد تەڭگەدەن استام قاراجات جۇمسالماق.

«مۇگەدەكتىگى بار ادامدار، ونىڭ ىشىندە بالالاردىڭ مەديتسينالىق كورسەتىلىمدەرى مەن قارسى كورسەتىلىمدەرىن ەسكەرە وتىرىپ، بيۋجەت ەسەبىنەن پروتەزدىك-ورتوپەديالىق كومەكپەن، سۋردو-تەحنيكالىق قۇرالدارمەن، كرەسلو، ساناتوري-كۋرورتتىق ەمدەۋمەن، مىندەتتى گيگيەنالىق قۇرالدارمەن، جەكە كومەكشى جانە ىم-يشارا ءتىلى ماماندارىنىڭ قىزمەتىمەن قامتاماسىز ەتىلەدى. جىل سايىن مۇگەدەكتىگى بار ادامدارعا 400 مىڭعا جۋىق تاۋار مەن قىزمەت ۇسىنىلادى. بيىل بۇل ماقساتقا 71 ميلليارد تەڭگەدەن استام قارجى ءبولىندى»، - دەدى نازگۇل ساعىندىقوۆا.