وسكەمەندە ايازعا بايلانىستى 1-11- سىنىپ وقۋشىلارى مەكتەپكە بارمايدى

وسكەمەن. قازاقپارات - وسكەمەن قالاسىندا ايازعا بايلانىستى 1-11- سىنىپ وقۋشىلارى قاشىقتان وقيدى، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءدال قازىر وسكەمەندە اۋا تەمپەراتۋراسى 34 گرادۋسقا دەيىن تومەندەگەن. سوعان وراي قالالىق ءبىلىم ءبولىمى تاڭەرتەڭ وقۋشىلاردىڭ مەكتەپتە بارمايتىندىعىن حابارلادى.

«قالا بويىنشا ءبىرىنشى اۋىسىمداعى 1-11- سىنىپ وقۋشىلارى ساباقتا ونلاين وقيدى. ەكىنشى اۋىسىمنىڭ قالاي وقيتىنى كەيىنىرەك حابارلانادى»، - دەلىنگەن اقپاراتتا.

ايتا كەتەيىك، «قازگيدرومەت» ر م ك ش ق و فيليالىنىڭ دەرەگىنشە، 28- قاراشادا وبلىستىڭ سولتۇستىك- شىعىسىندا سىناپ باعانى 42 گرادۋسقا دەيىن تومەندەيدى.

ايتا كەتەيىك، 28- قاراشا كۇنى استانا مەكتەپتەرىنىڭ ءبىرىنشى اۋىسىمىنىڭ وقۋشىلارى دا قاشىقتان وقيدى.

اۆتور

تالعاتجان مۇحامەتبەك ۇلى