+7 (701) 759 90 19
-11 °С : نۇر-سۇلتان
-3 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

مەديتسينالىق 086 انىقتاماسىن ونلاين الۋعا بولادى

4 جەلتوقسان 12:05
:ءبولىسۋ
مەديتسينالىق 086 انىقتاماسىن ونلاين الۋعا بولادى

نۇر- سۇلتان. قازاقپارات - ۆەدومستۆوارالىق كوميسسيا وتىرىسىندا تاعى 9 مەملەكەتتىك قىزمەتتى كورسەتۋ ءراسىمىن جەڭىلدەتۋ ماسەلەسى قارالدى. بۇل جونىندە سيفرلىق دامۋ، يننوۆاتسيالار جانە ايەروعارىش ونەركاسىبى مينيسترلىگىنە سىلتەمە جاساپ قازاقپارات حابارلايدى.

ق ر سيفرلىق دامۋ، يننوۆاتسيالار جانە ايەروعارىش ونەركاسىبى مينيسترلىگىندە ۆەدومستۆوارالىق كوميسسيانىڭ كەزەكتى وتىرىسى ءوتىپ، كوميسسيا مۇشەلەرى 41 مەملەكەتتىك قىزمەتتى قاراستىردى. وزەكتى ەمەس جانە سۇرانىسقا يە ەمەس 13 قىزمەتتى قولدانىستاعى تىزىلىمنەن الىپ تاستاۋ، ال 15 قىزمەتتى ەلەكتروندى فورماتقا كوشىرۋ جانە ءوزارا ۇقساس قىزمەتتەردى بىرىكتىرۋ ۇسىنىلدى.

اۆتوماتتاندىرىلاتىن قىزمەتتەردىڭ قاتارىندا 086/ۋ انىقتاماسى دا بار. ۇسىنىلعان پروتسەدۋرا بەكىتىلگەننەن كەيىن اتالعان انىقتامانى مىندەتتى مەديتسينالىق تەكسەرۋدەن ءوتۋ ناتيجەلەرى نەگىزىندە eGov پورتالى ارقىلى الۋعا بولادى. انىقتامادا ارنايى QR- كود بولادى، ول قۇجاتتىڭ ءتۇپنۇسقالىعىن تەكسەرۋگە مۇمكىندىك بەرەدى. مۇنداي ەلەكتروندىق انىقتاما ءبىر جىلعا جارامدى.

سونىمەن قاتار، وتىرىسقا قاتىسۋشىلار ەل پرەزيدەنتى جاقىندا بەكىتكەن مەملەكەتتىك قىزمەت كورسەتۋ تۋرالى زاڭناماعا ەنگىزىلگەن تۇزەتۋلەرگە بايلانىستى وزدەرىنىڭ ءىس- قيمىل جوسپارلارىمەن ءبولىستى. بۇل زاڭ تولىق كۇشىنە ەنۋى ءۇشىن تاعى 400-گە جۋىق نورماتيۆتىك قۇجاتتاردى قابىلداۋ قاجەت. زاڭنىڭ الەۋمەتتىك ماڭىزدىلىعىن ەسكەرە وتىرىپ، اسقار جۇماعالييەۆ مەملەكەتتىك ورگانداردىڭ وكىلدەرىنە وسى زاڭعا تاۋەلدى اكتىلەردى جەدەل قابىلداۋ قاجەتتىگىن ەسكە سالىپ ءوتتى.

وسى زاڭعا «پرواكتيۆتى» جانە «كومپوزيتتىك» ۇعىمداردىڭ ەنگىزىلگەنىن ايتىپ ءوتۋ كەرەك. ياعني، ەندىگى ۋاقىتتا مەملەكەت ازاماتقا بەلگىلى ءبىر ومىرلىك جاعدايدا قىزمەت كورسەتۋدى ءوزى ۇسىنادى، سونداي- اق ءبىر عانا ءوتىنىش جازىپ، ءبىرقاتار ىلەسپە قىزمەتتەردى الۋعا مۇمكىندىك بەرەدى.

« ءبىز كومپوزيتتى جانە پرواكتيۆتى قىزمەتتەردىڭ ءبىرقاتارىن پيلوتتىق رەجيمدە ۇسىنۋدامىز. بۇل تاسىلدەر ءوزىنىڭ تيىمدىلىگىن كورسەتتى. سوندىقتان، ارىپتەستەر، سىزدەردەن ءتيىستى زاڭعا تاۋەلدى اكتىلەردى قابىلداۋدى بارىنشا جەدەلدەتۋدى سۇرايمىن. بۇل تۇزەتۋلەردى ەنگىزۋدىڭ ءمانى زور، سەبەبى ازاماتتاردىڭ مەملەكەتتىك قىزمەتتەردى الۋىن ىڭعايلى ءارى جەدەل ەتە تۇسپەك»، - دەپ اتاپ ءوتتى اسقار جۇماعاليەۆ.

كوميسسيا وتىرىسىندا مەملەكەتتىك قىزمەتتەردى اۆتوماتتاندىرۋ جانە وڭتايلاندىرۋ بويىنشا جۇرگىزىلگەن جۇمىستار تۋرالى ەڭبەك جانە حالىقتى الەۋمەتتىك قورعاۋ، اۋىل شارۋاشىلىعى، دەنساۋلىق ساقتاۋ، سونداي- اق مادەنيەت جانە سپورت مينيسترلىكتەرىنىڭ وكىلدەرى باياندادى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات