قاڭتاردا ينفلياتسيا 0،7 پايىز بولدى

None
None
نۇر-سۇلتان. قازاقپارات - 2020-جىلعى قاڭتاردا قازاقستاندا ينفلياتسيا 0،7 پايىزدى قۇرادى. بۇل جايىندا ق ر ۇ ە م ستاتيستيكا كوميتەتىنەن ءمالىم ەتتى، دەپ حابارلايدى قازاقپارات.

ۆەدومستۆو مالىمەتىنشە، باعا ازىق-تۇلىك تاۋارلارىنا وتكەن ايدا - 0،9، ازىق-تۇلىك ەمەس تاۋارلارىنا، اقىلى قىزمەتتەرگە 0،5 پايىز جوعارىلادى. وتكەن ايدا باعانىڭ ءوسۋى كوكونىستەرگە - 5،6، جۇمىرتقاعا - 1،6، جارمالارعا - 1،5، ماكارون ونىمدەرىنە - 1، پاستەرلەنگەن سۇتكە، سارى مايعا - 0،9، ۇنعا، مايەكتى ىرىمشىككە - 0،8، مۇزداتىلعان بالىققا، شۇجىق ونىمدەرىنە، سۇزبەگە - 0،7، ەت ونىمدەرىنە، قىشقىل ءسۇت ونىمدەرىنە - 0،6، سيىر ەتىنە، توقاش جانە ۇننان دايىندالاتىن ونىمدەرىنە، شايعا - 0،5، جىلقى ەتىنە 0،4 پايىز بەلگىلەندى. تەمەكى ونىمدەرى 1،9 پايىزعا قىمباتتادى. باعانىڭ تومەندەۋى كۇرىشكە - 0،9، قۇمشەكەرگە، سوككە 0،5 پايىز تىركەلدى.

باعا ءوسىمى اۆتوموبيلدەرگە - 0،7، توقىما بۇيىمدارىنا، تۇرمىستىق اسپاپتارعا، جيھاز جانە ۇيگە قاجەتتى زاتتارعا، جەكە قولدانىلاتىن تاۋارلارعا - 0،4، جۋعىش جانە تازالاعىش قۇرالدارعا، ىدىسقا 0،3 پايىزدى قۇرادى. بەنزين - 2،7، ديزەل وتىنى، تاس كومىر 0،3 پايىز قىمباتتادى.

باعا دەڭگەيى قۇقىقتىق، جەكە كولىك قۇرالدارىن ساقتاندىرۋ قىزمەتتەرىنە - 5، مادەني ءىس-شارالار سالاسىنداعى قىزمەتتەرگە، كابەلدىك تەلەۆيزيا قىزمەتتەرىنە - 0،6، دەنساۋلىق قىزمەتتەرىنە 0،5 پايىز ءوستى. ىشكى قالالىق اۆتوبۋسپەن جول ءجۇرۋ اقىسى 2،9 پايىزعا قىمباتتادى، ال جولاۋشىلاردىڭ اۋە كولىگىمەن تاسىمالداۋ اقىسى 1،3 پايىزعا ارزاندادى.

تۇرعىن ءۇي-كوممۋنالدىق قىزمەتتەر سالاسىندا تاريفتەر ەلەكتر ەنەرگياسىنا 1 پايىز ءوستى، ال كارىزگە - 0،4، سۋىق سۋعا 0،1 پايىز تومەندەدى.

سوڭعى جاڭالىقتار