ا ق ش ەكونوميكاسى ساۋىردەن ماۋسىمعا دەيىن جىلدىق ەسەپتەۋمەن 0,6 پايىزعا السىرەدى

ۆاشينگتون. قازاقپارات - تۇتىنۋ باعاسى مەن پايىزدىق مولشەرلەمەنىڭ كۇرت وسۋىنەن زارداپ شەككەن ا ق ش ەكونوميكاسى ساۋىردەن ماۋسىمعا دەيىن ءبىر جىلدىق مولشەردە %0,6 عا السىرەدى، دەپ حابارلايدى قازاقپارات ءتىلشىسى ABC News-كە سىلتەمە جاساپ.

بۇل قاتارىنان ەكىنشى توقسان ەكونوميكالىق السىرەۋدى كورسەتىپ، قۇلدىراۋ بەلگىلەرىنىڭ ءبىرى بولدى. ەكونوميستەردىڭ كوپشىلىگى ا ق ش- تىڭ كۇشتى جانە تۇراقتى ەڭبەك نارىعىنا سىلتەي وتىرىپ، الەمدەگى ەڭ ءىرى ەكونوميكا ءالى رەتسەسسيادا ەمەس دەپ سانايدى.

جۇمىس بەرۋشىلەر بيىلعى جىلى ورتا ەسەپپەن ايىنا 438 مىڭ جۇمىس ورنىن قوسىپ وتىر. بۇل 1940-جىلدان بەرگى مەملەكەتتىك جازبالارداعى جۇمىسقا قابىلداۋدىڭ ەكىنشى ەڭ جاقسى جىلى (2021-جىلدان كەيىن) سانالادى.

جۇمىسسىزدىق دەڭگەيى - %3,7، بۇل - تاريحي ولشەممەن العاندا تومەن كورسەتكىش. قازىرگى ۋاقىتتا ءاربىر جۇمىسسىز امەريكالىق ازامات ءۇشىن ەكى جۇمىس ورنى بار.

ءبىراق، بيىل فەدەرالدىق قور جۇيەسى پايىزدىق مولشەرلەمەلەردى بەس رەت كوتەردى.