كوروناۆيرۋستىڭ تاۋلىكتىك ءوسىمى %0,5 دەيىن تومەندەدى - ايجان ەسماعامبەتوۆا
بۇل تۋرالى ق ر باس مەملەكەتتىك سانيتار دارىگەرى ايجان ەسماعامبەتوۆا ايتتى، دەپ حابارلايدى قازاقپارات ءتىلشىسى.
«قازىرگى كەزدە كوروناۆيرۋس ينفەكتسياسى بويىنشا ەپيدەميولوگيالىق جاعدايدىڭ تۇراقتانۋ ءۇردىسى بايقالۋدا. بيىلعى 14- تامىزداعى مالىمەت بويىنشا، قازاقستاندا پ ت ر وڭ ناتيجە كورسەتكەن كوروناۆيرۋس ينفەكتسياسىنىڭ 101848 جاعدايى تىركەلدى»، - دەدى ول بۇگىن ورتالىق كوممۋنيكاتسيالار قىزمەتىندە.
وسى ورايدا ا. ەسماعامبەتوۆا ءبىر تاۋلىكتە 476 ادام كوروناۆيرۋس ىندەتىمەن اۋىرعانى بەلگىلى بولعانىن ايتتى. سونىمەن قاتار، وتكەن تاۋلىكتە كوروناۆيرۋس ينفەكتسياسىنىڭ بەلگىلەرى بار پنيەۆمونيانىڭ 934 جاعدايى تىركەلدى.
«قاتاڭ شەكتەۋ شارالارى ەنگىزىلگەننەن باستاپ سىرتقاتتانۋشىلىقتىڭ تاۋلىكتىك ءوسىمى 0,5 پايىزعا دەيىن تومەندەدى. تىركەلگەن Covid-19 جاعدايلارىنىڭ جالپى سانىنىڭ 77 پايىزدان استامى ەمدەلىپ، كۇندەلىكتى ومىرگە ورالدى»، - دەدى ق ر باس مەملەكەتتىك سانيتار دارىگەرى.
بۇدان بۇرىن حابارلانعانداي، 13- تامىزدا ق ر پرەمەر-ءمينيسترى اسقار ءماميننىڭ توراعالىعىمەن وتكەن مەملەكەتتىك كوميسسيا وتىرىسىندا قالىپتاسقان ەپيدەميولوگيالىق جاعدايدى ەسكەرە وتىرىپ، كارانتين شارالارىن كەزەڭ-كەزەڭىمەن الىپ تاستاۋ جوسپارى بەكىتىلدى.