ساۋىردە ينفلياتسيا 0,5 پايىزدى قۇرادى

None
None
نۇر-سۇلتان. قازاقپارات - 2019-جىلعى ساۋىردە ينفلياتسيا 0,5 پايىزدى قۇرادى. مۇنداي دەرەكتى ق ر ۇ ە م ستاتيستيكا كوميتەتى جاريا ەتتى، دەپ حابارلايدى قازاقپارات ءتىلشىسى.

ۆەدومستۆو مالىمەتىنشە، باعا ونەركاسىپتە - 1,1، اۋىل شارۋاشىلىعى ونىمىنە - 0,8، كوتەرمە ساۋدادا 0,5 پايىزعا ءوستى. كولىكتىڭ بارلىق تۇرلەرىمەن جۇك تاسىمالداۋ تاريفتەرى 0,1 پايىزعا جوعارىلادى. ال زاڭدى تۇلعالارعا كورسەتىلگەن پوشتالىق، كۋرەرلىك جانە بايلانىس قىزمەتتەرىنە تاريفتەر وزگەرىسسىز قالدى.

بۇل رەتتە 2019-جىلدىڭ ساۋىرىندە وتكەن جىلدىڭ ساۋىرىمەن سالىستىرعاندا ءوندىرۋشى كاسىپورىنداردىڭ ونەركاسىپ ونىمدەرى باعاسى - 12,5، ونەركاسىپ كاسىپورىندارىنىڭ وندىرىستىك-تەحنيكالىق ماقساتتاعى ونىمدەردى ساتىپ الۋ باعاسى - 10,1، قۇرىلىستاعى باعالار - 1,7، وندىرۋشىلەردىڭ اۋىل شارۋاشىلىعى ونىمىنە باعاسى - 13,5، كولىكتىڭ بارلىق تۇرلەرىمەن جۇك تاسىمالداۋ تاريفتەرى - 34,6، زاڭدى تۇلعالارعا كورسەتىلگەن پوشتالىق جانە كۋرەرلىك قىزمەتتەر تاريفتەرى - 4,9، زاڭدى تۇلعالارعا كورسەتىلگەن بايلانىس قىزمەتتەر تاريفتەرى - 12,2، تۋارلاردىڭ، ونىمدەردىڭ كوتەرمە ساۋدادا ساتۋ باعالارى 6,3 پايىزعا قىمباتتاعان.

سوڭعى جاڭالىقتار