ҚАЗ
РУС
QAZ
ENG
中文 قازاقشا
22.05.2018 XX:XX:XX>
17.01.2018   03:34
اي مەن ايشا. شاشتى اياقتىڭ استىندا قالدىرماڭىز

 استانا. قازاقپارات - شەرحان مۇرتازانىڭ شوقتىعى بيىك تۋىندىلارىنىڭ ءبىرى - «اي مەن ايشا» رومانى. شىعارماداعى انانىڭ كەشكەن كۇنىنەن سول زامانعى قاسىرەتتى، قيىندىقتى، ادىلەتسىزدىكتى كورەسىز.

 كورە وتىرا ءبىر- ءبىرىن كورە المايتىن از- اق قانا قازاقتىڭ وسى ءبىر كەرىتارتپا قاسيەتىنە ناعلەت ايتاسىز. سول زامانعى تۇرمىستى ايشانىڭ كۇندەلىكتى كۇيبەلەڭ تىرلىگى ارقىلى- اق وقىرمانعا جەتكىزە بىلگەن شەرحان مۇرتازانىڭ شەرلى شىعارماسىن وقىماساڭىز، اتاۋلى كىتاپتى تابۋعا اسىعىڭىز. ءتىپتى بولماسا، ەلدەن قالماي ەلەكتروندى نۇسقاداعى كىتاپتى اقتارىڭىز. ايمەن سىرلاسقان ايشانىڭ ءومىرىن كوز الدىڭىزعا ەلەستەتە وتىرا، وسى ماقالانى بەيبىت زاماندا وقىپ وتىرعانىڭىزعا شۇكىرشىلىك ايتارىڭىزعا سەنىمدىمىز. وسى ءبىر شىعارمانىڭ ءىشى قىزىقتى- قىزىقتى قىسقاشا قازاق داستۇرىنە، تاريحىنا، ىرىم- سالتتارىنا نەگىزدەلگەن وقيعالارمەن تولىققان. ايشانىڭ تولقىنداي قولاڭ شاشتارىنىڭ ءوزى وسى تۋىندىنىڭ 4 بەتىن وزىنە ارناتىپتى.

مۇرتازا قايتىس بولعاننان كەيىنگى ايشا وزگەلەر ءۇشىن ءون بويىن ورنەكتەمەيتىن بولدى. جارىنىڭ كوزى تىرىسىندە اينەك اجەي ايشانىڭ شاشىن تاراسىپ، بۇرىمىن ءورىپ، شولپىسىن تاعىپ بەرەتىن. سوڭعى جىلدارى اجەي دە قارتايىڭقىراپ، ايشانىڭ شاشىن بەس كۇن تاراپ، ون كۇن ورەتىن زامانعا ساعىنىشپەن قارايتىن بولدى. جالعىز باستى ايەلگە كۇندەلىكتى كۇيبىڭ تىرشىلىك اينا الدىندا سىلانىپ وتىرۋعا مۇمكىندىك بەرمەيدى. قورازدىڭ ايقايىنان ويانىپ جاڭا كۇنگە، ەسكى قارا جۇمىسقا كەتكەننەن كەش جارىمدا ءبىراق ورالاتىن ايشا ۇزىن قالىڭ قارا شاشىنا قاراۋدان قالدى. تىلەرسەككە تۇسكەن قوس بۇرىمعا قىزىلشادا ءجۇرىپ تىكەن جابىسىپ كەيدە ءتىپتى كيىزدەي بولىپ سىرەسىپ قالادى. ءبىر كۇنى جۇمىستان ەرتە ورالعان ايشا قارا شاشىن جۋماققا قامدانىپ قارا قازانعا سۋ ىسىتتى. ءۇش بالاسى ءۇش جاقتان جابىلىپ ءجۇرىپ انالارىنىڭ قولاڭ شاشىن تارقاتىپ، ءبىرى سۋ قۇيىپ، ءبىرى سۋ جىلىتىپ، ءبىرى جەر سۇيرەگەن قارا شاشتى ۇستاسىپ ايشانىڭ قيامەتتى جۇمىسىن جۇمىلا ءبىتىردى. ءمۇيىز تۇمسىق تاراقپەن قالىڭ شاشتى تاراۋ دا قيىن جۇمىس. ءبىر بۇرىمىن ايشا، ەكىنشى بۇرىمىن قىزى قۇرماش ەكى جاقتاپ تاراپ جاتىپ، قالىڭ شاشقا شىداس بەرمەي ءمۇيىز تاراقتىڭ تىستەرى دە بىرت- بىرت سىناپ جاتىر. «قۇداي ماعان وسىنشا شاش بەرگەنشە، بارماقتاي باق بەرسەشى» دەپ وتكەن وكىنىشتەرىن ەسكە الىپ تاراققا ورالعان ءولى شاشتى شۇيكەلەپ وراپ جاتىر. الاقاندا اينالدىرىپ، جەردە ءبىر شاش قالدىرماي دوڭگەلەتكەن ايشا ءبىر ۋاقىتتا بوساعانىڭ ماڭىنا جارتى ساپتى پىشاقپەن شۇقىر قازىپ، تۇيەنىڭ قۇمالاعىنداي كولەمدى ءوزىنىڭ ءولى شاشىن جەرگە كومدى.

 اناسىنىڭ بۇل قىلىعىن تۇسىنبەگەن بالالار، بۇنىڭ سىرىن بىلمەككە سۇراق قويدى. ال، ايشانىڭ جاۋابى مىناۋ: - مەنىڭ سەندەردەن دە باسقا بالالارىم بار عوي. ۇشەۋى دە نارەستە كەتتى. قۇتتىباي، ەلتاي، ساتكۇلدى ايتام. ايەل بالاسى شاشىن بەتالدى تاستاماس بولار. تاراقتان تۇسكەن شاش الدەقالاي وتقا كۇيسە، و دۇنيەدە بالالارى شىرىلدايدى دەيدى. اناسىنىڭ شاشىنىڭ وتقا كۇيگەن ءيىسىن تانىپ قويادى ەكەن دە: «انامىز توزاق وتىنا ءتۇسىپ كەتتى- اۋ!» دەپ شىر اينالىپ شىرىلدايدى ەكەن. توزاق وتىنا اناسىن قۇتقارىپ الماق بولىپ، وزدەرى دە سول تامۇق ورتىنە ءتۇسىپ كەتە جازدايدى ەكەن. قىز بالاسى شاشتى تاراعان سايىن اياق استىندا قالدىرۋدان ساقتانعانى دۇرىس. ءولى شاشتى جيناپ العاننان كەيىن، شاشىڭىزدىڭ ورتەنۋىنەن بارىنشا ساقتانعان دۇرىس. ايشانىڭ زامانىنداعى نانىمدى بۇگىنگى تۇرمىس ەرىكسىز بۇرمالارى انىق. دەسەك تە، بارىنشا شاشتى اياق استىندا قالۋدان ساقتاعان دۇرىس بولار.

Massaget.kz

 Басты сөздер: قوعام , مادةنيةت
Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
مەيرامبەك بەسپايەۆ پەن قالقامان سارينگە ەستافەتا جولداندى

  استانا. قازاقپارات - مادەنيەت جانە سپورت ءمينيسترى ارىستانبەك مۇحامەدي ۇلىنىڭ باستاماسىن ءىلىپ اكەتكەن الماتى وبلىسى اكىمىنىڭ ورىنباسارى جاقسىلىق ومار سالاۋاتتى ءومىر سالتىن ناسيحاتتايتىن اكسيانى ءانشى مەيرامبەك بەسپايەۆقا جانە اقىن قالقامان سارينگە جولدادى، دەپ حابارلايدى قازاقپارات ءتىلشىسى.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ