ҚАЗ
РУС
QAZ
ENG
中文 قازاقشا
23.05.2018 XX:XX:XX>
16.01.2018   18:15
اقىن، جازۋشى سەرىك قاپشىقباي ۇلى قايتىس بولدى

 استانا. قازاقپارات - قازاقتىڭ قارىمدى قالامگەرى، اقىن، جازۋشى، قازاقستان جازۋشىلار وداعىنىڭ، قىتاي جازۋشىلار وداعىنىڭ مۇشەسى، قىتاي مەملەكەتتىك سىيلىعىنىڭ يەگەرى سەرىك قاپشىقباي ۇلى دۇنيە سالدى.

ولەڭ ولكەسىنە وزىندىك وزگەشە ورنەكپەن، ەلدى ەلەڭ ەتكىزە كەلگەن اقىن 1934 -جىلى قىتاي حالىق رەسپۋبليكاسىندا تۋعان. 1955 -جىلى شىنجاڭ ينستيتۋتىنىڭ ءتىل- ادەبيەت فاكۋلتەتىن ءتامامدادى. ەڭبەك جولىن «شىنجاڭ وقۋ- اعارتۋ» جۋرنالىنان باستاپ 1957 -جىلى قىتايدا جۇرگىزىلگەن «ستيل دۇرىستاۋ» قوزعالىسىندا «وڭشىل»، «ۇلتشىل» اتانىپ، 1979 -جىلعا دەيىن 20 جىلداي اباقتىدا، ەڭبەك مايدانىندا بولدى. 1984 -جىلدان باستاپ «تارباعاتاي» جۋرنالىنىڭ باس رەداكتورى قىزمەتىن اتقارعان ول 1994 -جىلى اتا مەكەنى - قازاقستانعا قونىس اۋداردى.

 اقىن ول جاقتا، «ءومىر ويلارى»، «جىلدار اراسىندا»، «ەرىكتى ءسوز» جىر جيناقتارى، «زارداپ»، «جوق» اتتى پروزالىق كىتابى، سونىمەن قوسا «جالعىز تىكەن»، «سۇلۋسارىنىڭ شوڭعالى»، «تابيعات» سىندى پەسالارى جارىق كوردى. قازاقستانعا كەلگەن سوڭ رەسپۋبليكالىق «بالدىرعان» جۋرنالىندا ون جىلداي ءبولىم رەداكتورى بولىپ، سول جىلدار ىشىندە، «رەسپۋبليكانىڭ ءبىلىم جۇيەسىندەگى شىعارماشىلىق ەڭبەگى جانە جەتكىنشەك ۇرپاقتى وقىتۋ مەن تاربيەلەۋدەگى تابىستارى ءۇشىن» قۇرمەت گراموتاسىمەن ماراپاتتالادى.

سەرىك اتا جۇرت قازاقستانعا كەلىپ تە، ادەبي جاسامپازدىق تۇرعىسىنان قىرۋار ەڭبەك ءسىڭىردى. «تاس»، «جىلقى ىشىندە الا ءجۇر»، «كۇنشىعىس» ولەڭ، داستاندار جيناعىمەن قاتار «جوق» رومانىنىڭ ءتامامدالعان نۇسقاسىن، «بالا»، «جەر باسىپ جۇرگەندەر»، «جۇرەك تۇستان...»، «سالماق تۇسكەندە...» قاتارلى پروزالىق كىتاپتارى شىقتى. ال، ارعى بەت، بەرگى بەتتە سەرىكتىڭ شىعارماشىلىعى تۋرالى جازىلعان ماقالالار كوپتەپ جارىق كوردى. ونىڭ ەسىمى قىتايدىڭ «ايگىلى ادامدار» جيناعىنا ەنگەن.

 ءيا، ءومىردىڭ نەبىر قيىن قىستاۋ، قىستالاڭىن كورسە دە جاسىماعان، ەڭكەيمەگەن، يىلمەگەن اسىل ادام اڭساعان اتا جۇرتى قازاقستاننىڭ التىن قازىعى - استانادا ماڭگىلىك تىنىم تاپتى. جانى ءجانناتتا بولعاي! مارقۇمنىڭ وتباسى، بالا- شاعاسى، ەتجاقىندارىنىڭ قايعىسىنا ورتاقتاسىپ، كوڭىل ايتامىز.

Egemen.kz

 Басты сөздер: قوعام
Нравится
پئكئر قالدئرؤ
قايىربەك 16.01.2018, 19:56
ە جاقىن تىۋىسىم ەدى تۇبەمنەن جاي تۇسكەندەي بولدى جانى جاناتتا بولعاي ەسىل اتامىزدىڭ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
سامال ەسلياموۆا: «ايكا» فيلىمى ءۇشىن ۇيالمايسىزدار

استانا. قازاقپارات - كانن فەستيۆالىنىڭ جەڭىمپازى سامال ەسلياموۆا «ايكا» فيلمىندەگى ءرولى تۋرالى ايتىپ بەردى. وسى ورايدا جۋرناليستەر ۇياتتى كادرلاردىڭ بار- جوعىن سۇرادى، دەپ حابارلايدى قازاقپارات ءتىلشىسى.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ