ҚАЗ
РУС
QAZ
ENG
中文 قازاقشا
19.02.2018 XX:XX:XX>
15.01.2018   10:29
تالدىقورعان ماڭىنداعى ۇشاق اپاتى: ۇشقىش 4 جىلعا سوتتالدى

استانا. قازاقپارات - تالدىقورعان گارنيزونىنىڭ اسكەري سوتى 2016-جىلدىڭ 21- جەلتوقسانى كۇنى بولعان سۋ-27 جويعىش ۇشاعىنىڭ اپاتقا ۇشىراۋ فاكتىسى بويىنشا ۇكىم شىعاردى، دەپ حابارلايدى قازاقپارات ق ر اسكەري سوتىنىڭ باسپا ءسوز قىزمەتىنە سىلتەمە جاساپ.

سوتتا انىقتالعانداي، 2016-جىلدىڭ 21- جەلتوقسانى كۇنى مايور ادىلبەك ىسقاقوۆ ۇشۋ جانە وعان دايىندىق ەرەجەلەرىن بۇزا وتىرىپ، سۋ-27 ۇشاعىنا وتىننىڭ قۇيىلعان نە قۇيىلماعانىن تەكسەرمەستەن، ۇشاقتى قابىلداپ، كوككە كوتەرىلگەن. ۇشۋ كەزىندە دابىل قۇرالدارى ىسكە قوسىلىپ، وتىننىڭ ازدىعى تۋرالى حابار بەرگەن. الايدا، ءا. ىسقاقوۆ اتالمىش قۇرالداردىڭ دۇرىستىعىنا كۇمان كەلتىرىپ، ۇشۋلاردى باسقارۋشى تۇلعاعا وزىندە قالعان وتىننىڭ ناقتى كورسەتكىشىن ەمەس، ونى اسىرا ءمالىم ەتكەن. مايوردىڭ بۇل ارەكەتىنىڭ سوڭى اپاتتىق جاعدايعا الىپ كەلدى. وتىننىڭ جەتىسپەۋشىلىگىنەن وڭ جانە سول جاق قوزعالتقىشتار جۇمىس ىستەمەي قالعان. وسىدان كەيىن ۇشقىش كاتاپۋلتا جاساعان، ال ۇشاق تالدىقورعاننان 20 شاقىرىم قاشىقتىقتا جەرمەن سوعىلىپ، كۇل-تالقان بولدى.

2018-جىلدىڭ 12- قاڭتارىنداعى ۇكىممەن مايور ىسقاقوۆ ق ر قىلمىستىق كودەكسىنىڭ 464-بابىندا قاراستىرىلعان قىلمىستىق قۇقىق بۇزۋشىلىقتى جاساۋدا كىنالى دەپ تانىلىپ، 4 جىلعا باس بوستاندىعىنان ايىرىلدى.

جازانى قىلمىستىق-اتقارۋ جۇيەسىنىڭ قاۋىپسىزدىك دەڭگەيى تومەن مەكەمەسىندە وتەيدى. سونداي-اق ول 4 جىل مەرزىمگە ۇشۋلارمەن بايلانىستى لاۋازىمداردى اتقارۋ جانە قىزمەتتەردى ورىنداۋ، ۇشۋ اپپاراتتارىن ەكپلۋاتاتسيالاۋ قۇقىعىنان ايىرىلدى.

«قىلمىستىق ءىستى قاراۋ ناتيجەسىندە ق ر قورعانىس مينيسترىنە ىسقاقوۆتىڭ قىلمىستىق قۇقىق بۇزۋشىلىقتى جاساۋىنا سەبەپ بولعان جايتتار مەن جاعدايلارعا بايلانىستى جەكە قاۋلى شىعارىلدى. ۇكىم زاڭدى كۇشىنە ەنگەن جوق»، - دەلىنگەن اسكەري سوتتىڭ حابارلاماسىندا.

ەسكە سالايىق، 21- جەلتوقسان كۇنى تالدىقورعان ماڭىندا تۇنگى جاعدايدا وقۋ-جاتتىعۋدى ورىنداۋ كەزىندە ق ر قورعانىس مينيسترلىگىنىڭ 21751 اسكەري ءبولىمىنىڭ سۋ-27 ۇشاعى اپاتقا ۇشىرادى. ۇشقىش، مايور ادىلبەك ىسقاقوۆ اسكەري گوسپيتالعا جەتكىزىلدى. 22- جەلتوقسان كۇنى ق ر قىلمىستىق كودەكسىنىڭ 464-بابىندا كورسەتىلگەن قۇقىق بۇزۋشىلىق بويىنشا (ۇشۋ نەمەسە ۇشۋعا دايىندىق قۇقىقتارىن بۇزۋ) سوتقا دەيىنگى تەرگەۋ باستالدى.

ايتا كەتەيىك، سەنات دەپۋتاتى، بۇرىنعى قورعانىس مينيسترى مۇحتار التىنبايەۆ جويعىش ۇشاقتىڭ قۇلاۋىنا جانارماي سەبەپ بولۋى مۇمكىندىگىن ايتقان ەدى.

«ۇشاق قوزعالتقىشىنىڭ ەكەۋى قاتار توقتاپ قالعان، بۇرىنعى كەزبەن سالىستىرساق بولمايتىن جاعداي دەۋگە بولادى. بۇل جەردە ۇشقىشتىڭ ەرلىگىن ايتۋ كەرەك. ەكى قوزعالتقىش توقتاعاندا، ساسپاي، ۇشاقتى ەلدى مەكەننىڭ ۇستىنەن الىپ كەتكەن. باسقارۋ ىستەمەي قالعاننان كەيىن ۇشاقتى تاستاپ، سەكىرگەن. ەرەجەگە ساي دۇرىس ارەكەت ەتكەن. ول امان قالدى. اۋە اپاتىنا جانارماي نەمەسە جانارمايدى دايىنداعان كەزدە كەتكەن ولقىلىقتار سەبەپ بولۋى مۇمكىن»، - دەگەن بولاتىن م. التىنبايەۆ.

Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
جىنىستىق ازعىنداۋشىلىقتىڭ قوعامعا قانداي قاۋپى بار؟

Жыныстық азғындаушылықтың қоғамға қандай қаупі бар?استانا. قازاقپارات - ءدىني-رۋحاني تاراپتان ايتپاعاننىڭ وزىندە، جىنىستىق ازعىندىقتىڭ قايدا تىرەيتىنىن بىلەمىز بە؟

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ