ҚАЗ
РУС
QAZ
ENG
中文 قازاقشا
19.02.2018 XX:XX:XX>
15.01.2018   08:16
اقسايلىق جىگىت ۇلىبريتانيادا مودەلدىك جۇمىسقا كىرىستى - فوتو

ورال. قازاقپارات - اقسايلىق بەرىك قاسىمجانوۆ جۋىردا ۇلى بريتانيا استاناسى لوندوندا «First model management»  اگەنتتىگىمەن كەلىسىمشارتقا قول قويدى، دەپ حابارلايدى «قازاقپارات» ءتىلشىسى.

بەرىك مودەل رەتىندە قازىردىڭ وزىندە كاتالوگتار مەن جۋرنالدار ءۇشىن بىرنەشە سۋرەتكە ءتۇسىپ ۇلگەردى. «مۇنداي تۇسىرىلىمدەر ءۇشىن كەيدە كۇنىنە 6-7 رەت كاستينگتەن وتۋگە تۋرا كەلەدى. بۇل جۇمىس سونىسىمەن قيىن دا قىزىقتى»، دەيدى ول.

شىنى كەرەك، بەرىك قاسىمجانوۆ و باستا مودەل بولامىن دەپ ويلاعان جوق. ءبارى 2012-جىلى سينگاپۋردا «Elite Model Look»  ۇلتتىق بايقاۋىنا قاتىسۋدان باستالدى.

Ақсайлық жігіт Ұлыбританияда модельдік жұмысқа кірісті

اقسايداعى مەكتەپتى 2010-جىلى بىتىرگەننەن كەيىن بەرىك ۋنيۆەرسيتەتكە «اۋدارما ءىسى» ماماندىعى بويىنشا وقۋعا ءتۇستى. ءبىرىنشى كۋرستان كەيىن كوپتەگەن تۇرعىلاستارى سەكىلدى امەريكادا «Work and Travel» باعدارلاماسى بويىنشا جۇمىس جاساپ كورۋگە بەكىندى. كەلەسى جىلى «Elite Model Look» باعدارلاماسى بويىنشا امەريكاعا ورالعىسى كەلگەن، ءبىراق ۆيزالىق ماسەلەلەرگە بايلانىستى جول تۇسكەن جوق.

Ақсайлық жігіт Ұлыбританияда модельдік жұмысқа кірісті

بارلىق شىعىندار تولەنىپ قويعاننان كەيىن ءتىل ۇيرەتۋ مەكتەبى سينگاپۋردى ۇسىندى. ءدال سول كەزدە «Elite Model Look» بايقاۋىنا ىرىكتەۋ باستالىپ جاتتى. مۇنداي مۇمكىندىكتى قالت جىبەرمەگەن بەرىك ءبىرىنشى ورىنعا يە بولىپ، جەرگىلىكتى ءسان اگەنتتىگىمەن كەلىسىمگە قول قويدى. كەيىن ەلگە ورالىپ، ۋنيۆەرسيتەت ديپلومىن العاننان كەيىن ول پورتفوليو ماسەلەسىمەن تۇبەگەيلى اينالىستى.

Ақсайлық жігіт Ұлыбританияда модельдік жұмысқа кірісті

اقسايلىق جىگىتتى الماتى، استانا، سينگاپۋر، شاڭحاي، گونكونگ، ميلان، لوندون قالالارىنىڭ فوتوگرافتارى سان قىرىنان سۋرەتكە ءتۇسىرىپ ۇلگەردى. مىسالى، ول 2017-جىلى كوكتەمدە الماتىدا Mercedes-Benz ءسان اپتالىعى اياسىندا بەلگىلى ديزاينەر لەونيد جەرەبتسوۆتىڭ كوللەكتسيالىق كورمەسىنە، ال جازدا ميلاندا سونداي شارا بارىسىندا «Malibu.1992» برەندى كيىمدەرىنىڭ كورسەتىلىمىنە قاتىستى. بەرىكتىڭ قاتىسۋىمەن Style Story سۋرەتتەرى MMSCENE (Male Model Scene) ينتەرنەت جۋرنالىندا جاريالاندى.

«ارينە، ءسان بيزنەسىندە باسەكەلەستىك وتە جوعارى. وندا ەشكىم سەنى ايامايدى. ناقتى تابىسقا قول جەتكىزۋ ءۇشىن تاباندىلىق، سونداي-اق وتباسى تاراپىنان قولداۋ كەرەك. مەنى اتا-انام مەن باۋىرىم الفيانىڭ قولداۋى ءاردايىم جىگەرلەندىرىپ، جەڭىستەرگە جەتەلەپ كەلەدى»، دەدى بەرىك قاسىمجانوۆ.

اۆتور: ەلجان ەرالى

Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ