ҚАЗ
РУС
QAZ
ENG
中文 قازاقشا
19.02.2018 XX:XX:XX>
09.12.2017   14:40
جەتى جاستاعى اقتوبەلىك الەمدىك رەكورد ورناتۋعا دايىندالۋدا

 اقتوبە. قازاقپارات - اقتوبە قالاسىنىڭ 7 جاستاعى تۇرعىنى مۋسا تۋركۋمبايەۆ 55 رەت تۋرنيككە تارتىلىپ، 1600 رەت كەۋدەنى جەردەن كوتەرە الادى.

 ول بۇل رەكوردتىق كورسەتكىشىن الەم الدىندا دالەلدەمەك، دەپ حابارلايدى قازاقپارات ءتىلشىسى.

 مۋسا تۋركۋمبايەۆ 3 جاسىنان باستاپ سپورتپەن شۇعىلداندى. ول وزگە بالالار سەكىلدى اسىر سالىپ وينايدى، ءبىراق تۋرنيككە تارتىلعاندى ۇناتادى. اعاشتىڭ بۇتالارىنا، تۇرعىن ءۇي اۋلاسىنداعى تۋرنيككە ءىلىنىپ، تارتىلعاندى ۇناتاتىن بالا ءوز ىنتاسىمەن ەلدى تاڭقالدىرىپ ءجۇر.

7 жастағы ақтөбелік әлемдік рекорд орнатуға дайындалуда

تەك بۇعاناسى قاتپاعان مۋساعا ءالى كاسىبي سپورتپەن شۇعىلدانۋعا بولمايدى. سوندىقتان اكەسى اسحات تۋركۋمبايەۆ بار ۋاقىتىن بالاعا ارناپ، ءقازىر ارنايى سپورت زالعا اپارىپ ءجۇر. اكەسىنىڭ قامقورلىعىنداعى بالا كوكتەمدە جاڭا رەكورد ورناتۋعا دايىندالىپ جاتىر.

 «مۋسا كىشكەنتاي بالالار، ەرەسەكتەر جاساي المايتىن دەنە جاتتىعۋلارىن كورسەتە الادى. ءبارىن ءوزى بەينەروليكتەردەن كورىپ، قاراپ، ۇيرەنەدى. قازىرگى كەزدە كۇندەلىكتى 35 رەت تۋرنيككە تارتىلادى. ال رەكوردى - 55. كۇنىنە 300-500 رەت كەۋدەنى جەردەن كوتەرەدى. ال بۇل جاتتىعۋدى 1600 رەت ورىنداپ، رەكورد ىستەي الادى. جاتتىعۋ جاساعان، سپورتپەن شۇعىلدانعان وزىنە ۇنايدى. زامانداستارى كومپيۋتەردەن، پلانشەتتەن كوز الماي وتىرادى، ال مۋسا دالادا جۇرەدى. تەلەفونعا 1 ساعاتىن عانا بولەدى» ، - دەدى اسحات تۋركۋمبايەۆ.

مۋسا تۋركۋمبايەۆا اقتوبە قالاسىنداعى №23 ورتا مەكتەپتە وقيدى. ساباق ۇلگەرىمى جاقسى، قازاق، ورىس تىلدەرىن ەركىن مەڭگەرگەن. 1 سىنىپ وقۋشىسىن اتا- اناسى گيمناستيكا، ۋ- شۋعا اپاردى. ءبىراق مۋسا زەرىگىپ، جاتتىعۋعا بارۋدان باس تارتقان.

 

 «تاياۋدا استانا قالاسىنداعى سپورت ورتالىعىنىڭ اشىلۋىنا بارىپ كەلدى. سول كەزدە UFC شەبەرى، بالۋان ارتەم لوبوۆ، Street Workout فەدەراتسياسىنىڭ ۆيتسە- پرەزيدەنتى يسلام بادۋرگوۆ، اعا جاتتىقتىرۋشى ايتىم جاقىپوۆ، دزيۋدودان فرانتسيا چەمپيونى، ەۋروپا كۋبوگىنىڭ چەمپيونى، مما شەبەرى ابۋكار يانديەۆ كەلىپ، كەزدەستى. الەم بويىنشا ستريت ۆوركاۋت، ياعني، كوشە سپورتىمەن اينالىساتىن بالالار از. ەڭ جاسى مۋسا. ءبارىن قاراپ، باقىلاپ وتىرامىز. الەمدىك رەكورد ۋكراينادا ورناتىلعان ەكەن. ءبىز ونى جاڭارتۋدى كوزدەپ وتىرمىز. ۇستىنە سالماق قوسپاي 55 رەت، سالماق قوسىپ 20 رەت تارتىلۋدى جوسپارلادىق. استاناعا بارعان سوڭ ءبىزدى سپورتشىلار تانىپ، لوس اندجەلەستەن حابار كۇتىپ وتىرمىز. بالامنىڭ كاسىبي سپورتپەن اينالىسقانىن قالايمىن. جاڭا جول اشىلسا، ءبىز دە بالامىزدىڭ جانىندا بولىپ، وعان قولداۋ كورسەتەمىز» ، - دەدى مۋسا تۋركۋمبايەۆا.

 7 жастағы ақтөбелік әлемдік рекорд орнатуға дайындалуда

ايتا كەتەيىك، كىشكەنتاي سپورتشى تاماق تالعامايدى، ءبىراق ەت جەگەندى ۇناتپايدى. تاڭەرتەڭ ارنايى بوتقا جەيدى. سالماعى 23 كەلى بولاتىن سپورتشى تاتتىگە قۇمار. اتا- اناسى تاتتىگە شەكتەۋ قويعان ەمەس.

 «جازدا مۋسا جارىسقا تۇسكەن بولاتىن. كەۋدەنى جەردەن كوتەرۋدەن 20 جاستاعى بالامەن سىنعا ءتۇسىپ، جەڭىپ شىقتى. بالامىزدىڭ ىنتاسى مەن مۇمكىندىكتەرىن قالت جىبەرمەي، ونى تاربيەلەگىمىز كەلەدى. بوكس، ەركىن كۇرەس مەكتەپتەرىنەن حابارلاستى، ءبىراق ءوزى دزيۋدونى، ستريت ۆوركاۋت قالاپ وتىر. 10 جاسقا كەلگەن سوڭ ءوزى قالاعان سپورتپەن شۇعىلدانادى. تالانتتىڭ شىن باعالانعانىن قالايمىز» ، - دەدى اكەسى ا. تۋركۋمبايەۆ.

7 жастағы ақтөбелік әлемдік рекорд орнатуға дайындалуда
 مۋسا ءتۇرلى جاتتىعۋ جاساپ، دەنە جاراقاتىن دا الدى. اتا- اناسىنىڭ ايتۋىنشا، 4 جاسىندا قولىن سىندىرىپ، دارىگەرلەردىڭ باقىلاۋىندا بولعان. ءبىر قولى گيپسپەن بەكىتىلگەنىنە قاراماستان ەرجۇرەك بالا جاتتىعۋىن توقتاتپاعان. ەندى ول الەمدى مويىنداتۋدى قالايدى.

 Басты сөздер: قوعام
Нравится
پئكئر قالدئرؤ
Өр Текес 10.12.2017, 17:13
ءومىرى ۇزاق بولسىن ءتىل - كوزدەن ساقتاسىن تىلەگى ورىندالسىن
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
سالافيت جىگىتتىڭ وكىنىشى - وڭىرلىك باسپا سوزگە شولۋ

 استانا. قازاقپارات - وتكەن اپتادا قازاقستاننىڭ وڭىرلىك مەرزىمدى باسپا ءسوزى قانداي وزەكتى ماسەلەلەردى كوتەردى؟ «قازاقپارات» ح ا ا ادەتتەگىدەي وقىرمان نازارىنا ەلىمىز وڭىرلەرىندەگى باسپا سوزگە شولۋدى ۇسىنادى.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ