ҚАЗ
РУС
QAZ
ENG
中文 قازاقشا
11.12.2017 XX:XX:XX>
19.11.2017   07:46
شەتەلدىك ب ا ق وكىلدەرى وڭتۇستىكتىڭ كيەلى جەرلەرىن ارالادى

شىمكەنت. قازاقپارات - وڭتۇستىك قازاقستان وبلىسىنا ارنايى ءىس- ساپارمەن كەلگەن شەتەلدىك ب ا ق وكىلدەرى كيەلى جەرلەردى ارالاپ، قازاقتىڭ تاريحىمەن تانىستى، دەپ حابارلايدى قازاقپارات ءتىلشىسى.

الدىمەن تۇركى الەمىنىڭ رۋحاني ورتالىعىنا كەلگەن قوناقتار ۇلىلار مەكەنى سانالاتىن تۇركىستان شاھارىن كوزبەن كورىپ، ق. ا. ياساۋي كەسەنەسىن ارالادى. ا ق ش، يتاليا،  ۇلى بريتانيا، ەگيپەت، يسپانيا، جاپونيا، برازيليا، وڭتۇستىك كورەيا، كانادا، اۆستراليا، يندونەزيا، فرانسيا، اۆستريا، قىتاي حالىق رەسپۋبليكاسى جانە وڭتۇستىك افريكا ەلدەرىنەن جينالعان جۋرناليستەر سونىمەن قاتار كەسەنەنىڭ اۋماعىنداعى تاريحي ورىنداردى تاماشالاپ، ەرەكشە اسەرلەرىمەن ءبولىستى. سىرى مەن تاريحى تۇنعان كيەلى ورىننىڭ قورىق- مۋزەي قىزمەتكەرى ولارعا ەكسكۋرسيا جۇرگىزدى.

الەمدىك ب ا ق وكىلدەرىنىڭ اراسىندا الەمگە ايگىلى ا ق ش- تىڭ «Forbes» جانە «فريلانسەر»، يتاليانىڭ ي ا «INTERRIS» ، يسپانيانىڭ «ElCultural»  جۋرنالدارىنىڭ، وڭتۇستىك كورەيانىڭ «JoongangIlbo» گازەتىنىڭ، ەگيپەت «نيل- كۋلتۋرا» جانە «OnTV» كانالدارىنىڭ دا تىلشىلەرى بار ساياحاتشىلار كەيىننەن وتىرار اۋدانىنا ساپارلادى.

اۋدان اكىمدىگىنىڭ قىزمەتكەرلەرى ولاردى «قوبىز بەن دومبىرا» كەشەنى جانىنان كۇتىپ الىپ، قۇرمەت كورسەتتى. مۇنان سوڭ قوناقتار «ارىستانباب» كەسەنەسىنە بارىپ زيارات جاسادى. اتى الەمگە ايگىلى بولعان «ەجەلگى وتىرار» قالاسىنىڭ كونە تاريحى شەتەلدىك جۋرناليستەردىڭ قىزىعۋشىلىعىن وياتتى.

كەزىندە مىسىردى بيلەگەن سۇلتان بەيبارىس پەن الەمنىڭ ەكىنشى ۇستازى سانالعان ءابۋ ناسىر ءال-فارابيدىڭ وتانى كىم-كىمدى بولماسىن ويسىز قالدىرماسى انىق.

كەسەنەنى ارالاۋ بارىسىندا شەتەلدىكتەر وتىراردىڭ تەرەڭنەن سىر شەرتەتىن باي مۇراسىنا قانىقتى. الەمنىڭ 15 ەلىنەن كەلگەن تىلشىلەر ارنايى جايىلعان داستارحاننان ءدام تاتىپ، قازاقتىڭ ۇلتتىق تاعامدارى قۇرت، قازى-قارتا، شۇبات جانە تاعى دا باسقا اسپەن تانىستى. ولارعا وتىرارلىق ونەرپازدار ۇلى سازگەر ءشامشى قالداياقوۆتىڭ اندەرىن شىرقاپ، كوتەرىڭكى كوڭىل- كۇي سىيلادى.

 

 

 

Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
جىلدىڭ ۇزدىك قورقىنىشتى فيلمدەرى انىقتالدى

 استانا. قازاقپارات - امەريكالىق Rolling Stone جۋرنالى 2017 -جىلدىڭ ەڭ قورقىنىشتى فيمدەرىنىڭ ءتىزىمىن جاسادى.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ