ҚАЗ
РУС
QAZ
ENG
中文 قازاقشا
11.12.2017 XX:XX:XX>
19.11.2017   03:16
زيمبابۆەنىڭ بيلىكتەن كەتىرىلگەن ۆيتسە-پرەزيدەنتى ەلىنە ورالدى

استانا. قازاقپارات - «زيمبابۆەنىڭ بۇرىنعى ۆيتسە-پرەزيدەنتى، وتكەن اپتادا پرەزيدەنت روبەرت مۋگابەنىڭ پارمەنىمەن بيلىكتەن كەتىرىلگەن ەممەرسون منانگاگۆا ەلىنە ورالدى» دەپ حابارلادى 17- قاراشادا France Press اگەنتتىگى.

منانگاگۆا زيمبابۆەگە اسكەريلەر وسى اپتادا ەلدى 37 جىل باسقارعان مۋگابەنى ءۇي قاماققا الىپ، ەلدەگى جاعدايدى باقىلاۋعا العان سوڭ ورالىپ وتىر. اسكەريلەردىڭ ەلدەگى جاعدايدى باقىلاۋعا الۋىنا مۋگابەنىڭ ىقتيمال مۇراگەرلەرىنىڭ ءبىرى سانالعان ۆيتسە-پرەزيدەنتتىڭ بيلىكتەن كەتىرىلۋى دە سەبەپ.

حارارەدەن جەتكەن اقپاراتتار بويىنشا، مۋگابە قىزمەتىنەن كەتۋدەن باس تارتىپ وتىر. ول 15- قاراشادان بەرى اسكەريلەرمەن كەلىسسوز جۇرگىزىپ جاتىر. كەشە 93 جاستاعى مۋگابەنىڭ ارميا باس شتابى باسشىسىمەن بىرگە وتىرعان سۋرەتى جاريالانعان.

17- قاراشادا اسكەريلەر مۋگابە اينالاسىنداعى بىرنەشە ادامنىڭ تۇتقىندالعانىن مالىمدەدى. دەگەنمەن، ارميا ەلدە توڭكەرىس جاساعانىن جوققا شىعارىپ، مۋگابەنىڭ بيلىكتەن شەتتەتىلگەنىن ايتپاي وتىر.

ا ق ش مەملەكەتتىك دەپارتامەنتىنىڭ جوعارى شەندى وكىلى دونالد ياماموتو ۆاشينگتون زيمبابۆەدەگى قازىرگى جاعداي «ەلدە جاڭا كەزەڭنىڭ باسى بولاتىنىنان» ۇمىتتەنەتىنىن مالىمدەدى.

باتىس ەلدەرى بۇعان دەيىن مۋگابەنى ادام قۇقىقتارىن بۇزدى جانە ساياسي قارسىلاستارىن قۋدالادى دەپ بىرنەشە رەت ايىپتاعان.

«ازاتتىق»

 Басты сөздер: الةم
Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
قىتايدا 2,5 ميلليون دوللاردىڭ ەسىرتكىسى تاركىلەندى

استانا. قازاقپارات - قىتايدىڭ شياڭگاڭ ارنايى اكىمشىلىك اۋدانىندا پوليتسيا قۇنى شامامەن 20 ميلليون شياڭگاڭ دوللارى (شامامەن 2,56 ميلليون ا ق ش دوللارى) بولاتىن ەسىرتكىنى تاركىلەگەنىن مالىمدەدى.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ