ҚАЗ
РУС
QAZ
ENG
中文 قازاقشا
18.02.2018 XX:XX:XX>
17.11.2017   09:39
الماتىدا بۇلاقتىكى دەپ كراننىڭ سۋىن ساتقاندار جۇرتتى شوشىتتى

استانا. قازاقپارات - الماتىدا بەلگىلى كاسىپورىنداردىڭ ءبىرى بۇلاقتىكى دەپ، كران سۋىمەن جۇرتتى الداپ كەلگەن.

مۇنى اۋىزسۋ قۇياتىن اتىشۋلى سەحتىڭ بۇرىنعى جۇمىسشىلارى ايتىپ بەردى دەپ حابارلايدى «ك ت ك» ارناسى.

«شلانگامەنەن كادىمگى قاراپايىم سۋدى الىپ، سونى ساتىپ جاتىر. قازىر ەكسپەديتورلار مەن جۇرگىزۋشىلەرگە قۇيدىرىپ جاتىر سۋدى»، - دەيدى كاسىپورىننىڭ بۇرىنعى قىزمەتكەرى باۋىرجان.

بوشكەسى 600 تەڭگە تۇراتىن سۋدى، اسىرەسە، كەڭسەلەر كوپتەپ الادى ەكەن. سول كليەنتتەر دە اۋىزسۋدان ءتۇرلى قوقىس شىعىپ، تالاي شاعىمدانعان. لاس جەردە قۇيىلاتىن تىرشىلىك نارىنەن قۇرت-قۇمىرسقاعا دەيىن تابىلىپتى.

«قۇرت-قۇمىرسقالار، سوسىن توپىراق، شاش شىققان كەزدەرى بولدى. سالفەتكاعا دەيىن شىققان ىشىنەن»، - دەيدى كاسىپورىننىڭ بۇرىنعى قىزمەتكەرى باۋىرجان.

ءبىراق كومپانيا باسشىلارى مۇنىڭ ءبارىن جىلى جاۋىپ ۇيرەنگەن. ال كاسىپورىن عيماراتىنا تىلشىلەردى اتتاپ باستىرماعان. كۇزەتشىلەرگە ەشكىمدى كىرگىزبەۋ تۋرالى بۇيرىق بەرگەن ولار اقىرى جاۋاپتان قاشىپ قۇتىلدى.

«سۋىمىز پايدالى، شيپالى» دەگەن جارناماسى جەر جارعان كاسىپورىن سانيتار مامانداردان دا ايلاسىن اسىرىپتى. ماسەلەن، ول بيىل تامىزدا جوسپارلى تەكسەرىستەن ءوتۋى ءتيىس ەدى. ءبىراق تىقىر تايانعاندا ديرەكتورى سەحتى ۋاقىتشا جاۋىپ تاستاعان.

«سەحتىڭ باسشىسىنان حات تۇسكەن. بۇل سەح جۇمىس ىستەمەيدى دەپ. سوندىقتان، ەرەكشە ءتارتىپ بويىنشا بۇل سۋ وندىرەتىن سەحى تەكسەرىلمەگەن»، - دەيدى الماتى قالاسى قوعامدىق دەنساۋلىقتى قورعاۋ ءبولىمىنىڭ باسشىسى انەل مۇسايەۆا.

دەگەنمەن، بۇعان دەيىن سەس ماماندارىنا شاعىم تۇسپەپتى. ال بۇدان كەيىن اۋىزسۋ شىعاتىن كاسىپورىندا تەكسەرىس باستالۋى مۇمكىن. ءسويتىپ، ساپاسىز سۋ ساتقاندارعا قاتىستى اكىمشىلىك ءىس قوزعالماق.

 Басты сөздер: قوعام
Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
حالىقتى جۇمىسپەن قامتۋ تۋرالى زاڭ جوباسى سىنعا ۇشىرادى

استانا. قازاقپارات - رەسپۋبليكالىق تاۋ- كەن ءوندىرىسى مەن مەتاللۋرگيا كاسىپورىندارى قاۋىمداستىعىنىڭ باسشىسى نيكولاي رادوستوۆەتس جاڭا ەڭبەك جانە حالىقتى الەۋمەتتىك قورعاۋ ءمينيسترى ءمادينا ءابىلقاسىموۆادان حالىقتى جۇمىسپەن قامتۋ تۋرالى زاڭ جوباسىن پارلامەنتتەن قايتارىپ الۋدى سۇرادى، دەپ حابارلايدى قازاقپارات ءتىلشىسى.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ