ҚАЗ
РУС
QAZ
ENG
中文 قازاقشا
11.12.2017 XX:XX:XX>
16.11.2017   16:13
مەملەكەت باسشىسى «نۇرلى جول» باعدارلاماسىنىڭ جۇزەگە اسىرىلۋى تۋرالى ايتتى

استانا. قازاقپارات - ق ر پرەزيدەنتى نۇرسۇلتان نازاربايەۆ «نۇرلى جول» باعدارلاماسىنىڭ ىسكە اسىرىلۋى تۋرالى اڭگىمەلەدى، دەپ حابارلايدى «قازاقپارات» ح ا ا ءتىلشىسى.

 استانا كلۋبىنىڭ وتىرىسىندا ر ع ا قيىر شىعىس ينستيتۋتىنىڭ ديرەكتورى سەرگەي لۋزيانين قازاقستان پرەزيدەنتى نۇرسۇلتان نازاربايەۆقا «نۇرلى جول» باعدارلاماسى تۋرالى سۇراق قويدى.

نۇرسۇلتان نازاربايەۆ قازاقستاننىڭ تەڭىزگە شىعاتىن جولدارى جوق ەكەنىن اتاپ ءوتتى. 1991 -جىلى كەڭەس وداعى ىدىراعاننان كەيىنگى كەزەڭدە جولداردىڭ بارلىعى رەسەيگە باعىتتالعان ەدى. «ءبىز ەڭ الدىمەن قىتايعا قاراي تەمىرجول سالىپ، ءوز ساۋدامىزدى كەڭەيتتىك. ءبىز ينفراقۇرىلىمدى قولعا الۋعا ءتيىس ەدىك»، - دەدى ول.

ونىڭ سوزىنە قاراعاندا، باعدارلاما اياسىندا 2 بەسجىلدىقتا 7,5 مىڭ شاقىرىم جول سالىنعان. «ءبىرىنشى بەسجىلدىقتىڭ وزىندە- اق قازاقستانداعى بارلىق اۋەجايدى رەتكە كەلتىردىك، كاسپيي تەڭىزىنىڭ جاعاسىنا ەكى زاماناۋي تەڭىز پورتىن سالدىق. 2015 -جىلى ق ح ر ءتوراعاسى شي جينپيڭ العاش رەت ءبىزدىڭ ۋنيۆەرسيتەتىمىزدە «بىر بەلدەۋ - ءبىر جول» جوسپارىن جاريالادى. جوسپار مەن ءبىزدىڭ باعدارلاما ءبىر- بىرىمەن كەرەمەت سايكەس كەلدى. ارينە، ءبىز وسى جولدى قولدادىق»، - دەدى پرەزيدەنت.

 مەملەكەت باسشىسى قازاقستانعا ق ح ر- دان ەكى تەمىرجول كەلەتىنىن تىلگە تيەك ەتتى. قىتاي شەكاراسىنان ەۋروپاعا قازاقستان ارقىلى وتەتىن 3 مىڭ شاقىرىم ءبىرىنشى ساناتتى اۆتوتراسسا سالىندى.

 «ءبىز ۇلان- عايىر دالا ءتوسىن قاق جارىپ وتەتىن تەمىرجول ماگيسترالىن سالدىق، قىتايدان كاسپيي تەڭىزىنە دەيىنگى  1500 شاقىرىمعا سوزىلعان جول نەبارى ەكى جىلدا سالىندى. تۇركىمەنستان - يران ارقىلى وتەتىن پارسى شىعاناعىنىڭ ءباندار- ابباس پورتىنا باراتىن، ودان ءۇندىستانعا شىعا الاتىن تەمىرجولدى سالدىق. ءبىز، مىنە، وسىنداي شارالاردى قاراستىردىق. تاۋەلسىزدىكتى العان جىلدارى قىتايمەن اراداعى ساۋدا نولگە تەڭ بولدى. قازىر ول 15 ميلليارد دوللارعا جەتتى. بۇرىن قىتايدان شىققان كونتەينەرلەر ەشقاشان ەۋروپاعا جەتكىزىلگەن ەمەس، تەك وتكەن جىلدىڭ وزىندە كونتەينەرلەرمەن قىتايدىڭ شىعىس پروۆينتسيالارىنان ەۋروپاعا 4 ميلليون توننا جۇك تاسىمالداندى»، - دەدى نازاربايەۆ.

 Басты сөздер: بيلئك جانة ساياسات
Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
قازاقستان استاناسىنىڭ اۋىسقانىنا - 20 جىل

استانا. قازاقپارات - وسىدان تۋرا 20 جىل بۇرىن 1997-جىلدىڭ 10- جەلتوقسانى كۇنى سول كەزدەگى اقمولا قالاسى رەسمي تۇردە ەلىمىزدىڭ ەلورداسى اتاندى.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ