ҚАЗ
РУС
QAZ
ENG
中文 قازاقشا
18.11.2017 XX:XX:XX>
17.10.2017   11:40
بيىلعى 9 ايدا ەكونوميكا ءوسىمى قارقىنى ساقتالىپ كەلەدى - تيمۋر سۇلەيمەنوۆ

استانا. قازاقپارات - قازاقستان ەكونوميكاسىنىڭ ءوسۋ قارقىنى ساقتالىپ كەلەدى. بۇل تۋرالى ۇكىمەت وتىرىسىندا 2017 -جىلعى قاڭتار- قىركۇيەكتەگى الەۋمەتتىك- ەكونوميكالىق دامۋدىڭ قورىتىندىلارىن بايانداۋ كەزىندە ق ر ۇلتتىق ەكونوميكا ءمينيسترى تيمۋر سۇلەيمەنوۆ ءمالىم ەتتى،

دەپ حابارلايدى قازاقپارات.

 «ەسەپتى كەزەڭدە قازاقستان ەكونوميكاسى 4,3 پايىزعا وسە وتىرىپ، اعىمداعى جىلعى قاڭتار- تامىزداعى ءوسۋ قارقىنىن ساقتاپ قالدى. ەكونوميكالىق وسۋگە ماكرو ەكونوميكالىق تۇراقتىلىق پەن ينۆەستيتسيالىق بەلسەندىلىك، سونداي- اق سىرتقى نارىقتارداعى قولايلى جاعدايلار ىقپالىن تيگىزدى. ەڭ الدىمەن، بۇل سۇرانىستىڭ جالعاسۋى جانە ءبىزدىڭ ەكسپورتتىڭ نەگىزگى تۇرلەرىنە باعا كونيۋنكتۋراسىنىڭ جاقسارۋىنا بايلانىستى. مەملەكەتتىك جانە سالالىق باعدارلامالاردىڭ شەڭبەرىندە قابىلدانعان شارالاردىڭ ارقاسىندا ەكونوميكانىڭ بارلىق بەس سالاسى بويىنشا وڭتايلى ءۇردىس بايقالىپ وتىر»، - دەدى مينيستر.

ونىڭ سوزىنە قاراعاندا، ەكونوميكانىڭ ناقتى سەكتورى باعىتىندا ونەركاسىپ، قۇرىلىس، ساۋدا، كولىك جانە بايلانىس سالالارى ءوسۋدىڭ نەگىزگى قوزعاۋشىلارى بولدى.

 «ونەركاسىپ قاڭتار- قىركۇيەكتە 8,3 پايىزدى قۇراپ، جىل باسىنان بەرى تۇراقتى ءوسۋدى كورسەتىپ وتىر. كومىر جانە ليگنيت، مۇناي، تابيعي گاز، سونداي- اق ءتۇستى مەتالدار كەنىن ءوندىرۋدىڭ ەكى تاڭبالى ساندارمەن ءوسۋى ەسەبىنەن كەن ءوندىرۋ ونەركاسىبىندە ءوندىرىس كولەمى 11,3 پايىزعا ۇلعايدى. وڭدەۋ ونەركاسىبىندەگى ءوسۋ 5,7 پايىزدى قۇرادى. ىشكى نارىققا باعدارلانعان سالالاردا ايتارلىقتاي ءوسۋ بايقالىپ وتىر، ەڭ الدىمەن بۇل فارماتسيەۆتيكا ونىمدەرىن ءوندىرۋ، جەڭىل ونەركاسىپ، تاماق ونىمدەرى جانە سۋسىندار، سونداي- اق مۇناي ونىمدەرى بولىپ تابىلادى. ەكسپورتقا باعدارلانعان سالالار ءوسۋدىڭ تۇراقتى قارقىنىن كورسەتىپ وتىر، مىسالى قارا مەتاللۋرگياداعى ءوندىرىس 7,8 پايىزعا، ءتۇستى مەتالدار ءوندىرىسى - 6,6 پايىزعا ءوستى»، - دەپ ءتۇسىندىردى سۇلەيمەنوۆ.

 بۇدان بولەك، اۋىل شارۋاشىلىعىندا ءوسۋ 1,9 پايىز دەڭگەيىندە ساقتالىپ وتىر، بۇل رەتتە قۇرىلىستاعى ءوسۋ اعىمداعى جىلعى قاڭتار- تامىزداعى 0,1 پايىزدان 9-ايدا 3,5 پايىزعا دەيىن جىلدامدادى.

اۆتور: رۋسلان عابباسوۆ

Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
جاڭ شياۋدۇڭ: قازىر قىتاي- ەۋروپا باعىتىن قازاقستانسىز ەلەستەتۋ مۇمكىن ەمەس

استانا. قازاقپارات -  قازىر قىتاي- ەۋروپا باعىتىن قازاقستانسىز ەلەستەتۋ مۇمكىن ەمەس. بەيجىڭ كولىك ۋنيۆەرسيتەتى كولىكتىك تاسىمالدار ينستيتۋتى ديرەكتورىنىڭ ورىنباسارى جاڭ شياۋدۇڭ وسىنداي پىكىردە.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ