ҚАЗ
РУС
QAZ
ENG
中文 قازاقشا
16.12.2017 XX:XX:XX>
20.09.2017   16:02
ۆلاديمير بوجكو ينتەرنەتتە ءوزى تۋرالى جازىلعان پىكىرلەرگە جاۋاپ بەردى

استانا. قازاقپارات - پارلامەنت ءماجىلىسى ءتوراعاسىنىڭ ورىنباسارى ۆلاديمير بوجكو ينتەرنەتتە وزىنە قاتىستى ءتىل تيگىزگەندەرگە پىكىر ءبىلدىردى، دەپ حابارلايدى قازاقپارات.

«ەكى كۇننىڭ ىشىندە الەۋمەتتىك جەلىلەر مەن جاڭالىقتاردا اۋىل شارۋاشىلىعى ەڭبەككەرلەرىن مەنىڭ جابىرلەگەنىم تۋرالى ايىپتاۋلاردى وقىدىم. وسى ورايدا كەيبىرەۋلەر ماعان قاتىستى تىكەلەي ادەپسىز سوزدەر ايتقان»، - دەپ توقتالدى بوجكو ماجىلىستە تىلشىلەرگە بەرگەن سۇحباتىندا. الايدا ول ءتىل تيگىزگەن ادامداردى سوتقا بەرۋگە نيەتتى ەمەس ەكەنىن ايتتى.

«مەن ولاردىڭ ءادىسىن بىلەمىن، ياعني بۇل ادامدار وزدەرىنە جارناما جاساۋ ماقساتىندا بىرەۋلەردى قارالاۋعا شەبەر»، - دەيدى ول.

اتالعان ماسەلەگە بايلانىستى ۆ. بوجكو پارلامەنت سايتىنداعى ونىڭ بايانداماسى مەن «كازاحستانسكايا پراۆدا»، «ليتەر»، «ەگەمەن قازاقستان» گازەتتەرىندە جاريالانعان وبەكتيۆتى ماتەريالداردى وقىپ شىعۋعا كەڭەس بەردى.

 «مەن اۋىل جاستارىنىڭ قالاعا تارتىلۋىنا تىيىم سالۋ كەرەك دەپ ايتقان جوقپىن. بۇل تۇرعىدا جاستاردى اۋىلدان كەتۋگە يتەرمەلەيتىن احۋالدى تۋىنداتپاس ءۇشىن، وڭىرلەردە قاجەتتى جاعداي جاساۋ كەرەكتىگىن ءسوز ەتتىم. وسى ورايدا مادەني ماسەلەلەردى شەشىپ، اۋىلداردا ءومىر ءسۇرۋ ساپاسىن جوعارىلاتۋ ماقساتىندا جالاقىسى لايىقتى دەڭگەيدەگى جۇمىس ورىندارىن قۇرۋ، ينفراقۇرىلىمدى رەتكە كەلتىرۋ ماسەلەلەرىن كوتەرگەن ەدىم. وزدەرىڭىز بىلەسىزدەر، ەشبىر تۇرعىن ساۋەردەن (اقمولا وبلىسىنداعى «رودينا» اگرارلىق فيرماسىنىڭ ديرەكتورى) جانە «رودينادان» كەتىپ جاتقان جوق، سەبەبى ول جەردە بارلىق ماسەلەلەر شەشىلگەن جانە وسىنداي جاعداي بارلىق وڭىردە بولۋى ءتيىس»، - دەپ ءتۇسىندىردى دەپۋتات.

مۇنىمەن قوسا ۆ. بوجكو الەۋمەتتىك جەلىلەردە ونىڭ وتستاۆكاعا كەتۋى تۋرالى ۇسىنىستاردى قالاي قابىلداعانىن ايتىپ بەردى.

«كەي كەزدەردە ادەپسىز ازاماتتىڭ، سونىمەن قاتار جەلىدە ءوزىنىڭ اتى- ءجونىن كورسەتپەي جاسىرىن وتىراتىن پايدالانۋشىلار ءتىل تيگىزە باستاعانى قىنجىلتادى. ارينە، بۇل جاعداي ماعان اۋىر ءتيدى. ينتەرنەتتە اۋقىمدى اۋديتوريانى پايدالاناتىن كورگەنسىزدەۋ ازاماتتارعا وسىلاي ارەكەت ەتۋگە ءتيىستى تۇردە جول بەرمەيتىن كەزەڭ الىس ەمەس دەگەن ويدامىن»، - دەپ تۇيىندەدى ءسوزىن بوجكو.

اۆتور: رۋسلان عابباسوۆ

Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ