ҚАЗ
РУС
QAZ
ENG
中文 قازاقشا
18.10.2017 XX:XX:XX>
20.09.2017   11:59
گولوۆكيننىڭ كەلەسى قارسىلاسى كىم بولادى؟

استانا. قازاقپارات - وسى اپتادا گەننادي گولوۆكين مەن ساۋل الۆارەستىڭ پروموۋتەرلەرى ريەۆانش بويىنشا كەلىسسوزدەردى باستاۋدى جوسپارلاپ وتىر.

«كانەلونىڭ» ءوزى كەلەسى جەكپە-جەگىن الداعى جىلى وتكىزۋدى كوزدەيدى. GGG- ءدىڭ پروموۋتەرى لەففلەر بولسا، قارىمتا ايقاسقا دەيىن تاعى ءبىر جەكپە-جەكتى ۇيىمداستىرۋدى قالايدى. گولوۆكيننىڭ ءوزى دە قارسى ەمەس، دەپ حابارلايدى قازاقپارات ءتىلشىسى.

بۇگىندە تانىمال بوكسشىلار مەن ساراپشىلاردىڭ كوبىسى گولوۆكينگە بريتاندىق بيللي دجو سوندەرسپەن كەزدەسۋگە كەڭەس بەرىپ جاتىر. سەبەبى ول بوكسشىدا GGG- گە قاجەتتى سوڭعى بەلبەۋ - WBO تيتۋلى بار. ونى جەڭىپ السا، ورتا سالماقتاعى ابسوليۋتتى چەمپيون اتانادى.

جاقىندا سوندەرستىڭ پروموۋتەرى فرەنك ۋوررەن دە جەلتوقساندا گولوۆكينگە قارسى جەكپە-جەك وتكىزۋگە نيەتتى ەكەنىن جەتكىزدى. ءبىر قىزىعى، بيلليدىڭ ءوزى GGG- مەن جۇدىرىقتاسۋعا ءالى دايىن ەمەسپىن دەپ وتىر. دەگەنمەن، بريتاندىق بوكسشىنىڭ كوپىرمە سوزگە بەيىم ەكەنىن ەسكەرسەك، ونىڭ بۇل ويى ءالى دە مىڭ قۇبىلىپ، ءجۇز وزگەرۋى ابدەن مۇمكىن.

گولوۆكيندە بريتاندىق بوكسشىعا قاتىستى ءالى جوسپار جوق سياقتى. ونىڭ پروموۋتەرى توم لەففلەر پەۋرتو-ريكاندىق ميگەل كوتتوعا قارسى جەكپە-جەكتى ۇيىمداستىرۋعا بولاتىنىن ايتىپ قالدى.

«ميگەل كوتتو دا Golden Boy-مەن جۇمىس ىستەيدى. بىردە ول گولوۆكين - الۆارەس جەكپە-جەگىنىڭ جەڭىمپازىمەن كەزدەسۋگە ءازىر ەكەنىن مالىمدەگەن. گەننادي ءالى دە چەمپيون، بارلىق تيتۋلدارىن قورعاپ شىقتى. سوندىقتان ناقتى ءبىر ۇسىنىستار بولسا، قاراستىرۋعا بولادى»، - دەيدى لەففلەر.

دەگەنمەن، ول ميگەل كوتتونىڭ كومانداسىمەن ءالى بايلانىسقا شىققان جوق. بۇدان بولەك، قازىرگى كەزدە ۋكراينالىق سەرگەي دەريەۆيانچەنكو (11-0, 9 ك و) IBF تيتۋلىنىڭ مىندەتتى ۇمىتكەرى بولىپ سانالادى. سوندىقتان ول دا گەننادي گولوۆكيننىڭ كەلەسى قارسىلاستارىنىڭ قاتارىنان كورىنۋى ابدەن مۇمكىن.

ساۋل الۆارەستىڭ كومانداسى بولسا، گولوۆكيننىڭ ريەۆانشقا دەيىن تاعى ءبىر جەكپە-جەك وتكىزۋىنە قارسى. «Golden Boy Promotions» كومپانياسىنىڭ پرەزيدەنتى ەريك گومەستىڭ ايتۋىنشا، گولوۆكين مەن الۆارەس اراسىنداعى قازىرگى كەلىسىمشارت بويىنشا GGG ريەۆانشقا دەيىن ءبىر جەكپە-جەك وتكىزە الادى. «دەگەنمەن، بىردەن ريەۆانش وتكىزگەنىمىز دۇرىس بولاتىن ەدى. ويتكەنى گولوۆكين جاراقات الىپ قالۋ مۇمكىن. سول جەكپە-جەكتە ۇتىلۋى دا ىقتيمال. مەن ءوزىم قارسىمىن»، - دەيدى گومەس.

پروموۋتەر توم لەففلەر دە باسقا جەكپە-جەكتەرگە قاراعاندا الۆارەسپەن ريەۆانش وتكىزۋ ماڭىزدى ەكەنىن ايتىپ وتىر. سەبەبى گەننادي سوڭعى جەكپە-جەكتىڭ شەشىمىمەن كەلىسپەيدى. «ەگەر ريەۆانش كەلەسى جىلى مامىر ايىندا ۇيىمداستىرىلسا، گەنا وعان دەيىن رينگكە شىقپاي، كۇتە الادى. «كانەلو» مامىردا ريەۆانش وتكىزۋگە كەلىسپەسە، ءبىز وعان دەيىن تاعى ءبىر جەكپە-جەكتى ۇيىمداستىراتىن بولامىز»، - دەپ اتاپ كورسەتتى لەففلەر.

اۆتور: ارمان اسقاروۆ

 Басты сөздер: قوعام , سپورت
Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
قازاقستان حالقىنىڭ سانى 1- قىركۇيەكتە 18,074 ميلليون ادامعا جەتتى

استانا. قازاقپارات - قازاقستاندا حالىق سانى 2017-جىلعى 1- قىركۇيەكتەگى ەسەپ بويىنشا 18074100 ادامعا جەتتى.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ