ҚАЗ
РУС
QAZ
ENG
中文 قازاقشا
18.12.2017 XX:XX:XX>
20.09.2017   07:07
ەرەۆاندا قازاق كينوسى اپتالىعى ءوتىپ جاتىر

استانا. قازاقپارات - 18-21- قىركۇيەك ارالىعىندا، قازاقستان رەسپۋبليكاسى مەن ارمەنيا رەسپۋبليكاسى اراسىنداعى ديپلوماتيالىق قارىم-قاتىناستاردىڭ 25 جىل تولۋىنا وراي ەرەۆان قالاسىنداعى «ماسكەۋ» كينوتەاترىندا قازاق كينوسى اپتالىعى ءوتىپ جاتىر، دەپ حابارلايدى «قازاق فيلم» كينوستۋدياسىنىڭ باسپا ءسوز قىزمەتى.

اتالمىش مادەني-ءىس شەڭبەرى اياسىندا ءار جىلدارى جارىققا شىققان ۇزدىك وتاندىق فيلمدەر كورسەتىلەدى. ەرەۆان قالاسىندا وتەتىن قازاق كينوسى اپتالىعى ەرنەست حەمينگۋەيدىڭ «شال مەن تەڭىز» پوۆەسى جەلىسى بويىنشا تۇسىرىلگەن رەجيسسەر ەرمەك تۇرسىنوۆتىڭ «شال» فيلمىمەن اشىلدى.

فيلمدى ارميان كورەرمەندەرىنە باستى ءرولدى سومداعان اكتەر ەربولات توعىزاقوۆ تانىستىردى. اتالعان جوبانىڭ نەگىزگى ماقساتى - كينەماتوگرافيا سالاسىنداعى ەكى ەل اراسىنداعى ەكىجاقتى قارىم-قاتىناستاردى نىعايتۋ، سونداي-اق ارميان كورەرمەندەرىن قازاقستاننىڭ قازىرگى كينوسىمەن تانىستىرۋ.

مادەني ءىس-شارا بارىسىندا ش. ايمانوۆ اتىنداعى «قازاق فيلم» كينوستۋدياسى جارىققا شىعارعان باسقا دا فيلمدەر كورسەتىلەدى، ولار: رەجيسسەر رۇستەم ءابدىراشتىڭ «ستالينگە سىيلىق» (19- قىركۇيەك) جانە «بالالىق شاعىمنىڭ اسپانى» (20- قىركۇيەك) فيلمدەرى، رەجيسسەرلەر ۇلكەن سەرگەي بودروۆ، تالعات تەمەنوۆ جانە يۆان پاسسەردىڭ «كوشپەندىلەر» (21- قىركۇيەك). قازاق كينوسى اپتالىعى 22- قىركۇيەي كۇنى ەلدور ۋرازبايەۆتىڭ «ترانس ءسىبىر ەكسپرەسى» فيلمىمەن اياقتالادى. فيلمدەر ورىس تىلىندە، «ماسكەۋ» كينوتەاترىندا كۇندە ساعات 19:00 كورسەتىلەتىن بولادى. كىرۋ تەگىن.

 Басты сөздер: قوعام , ئقپالداستئق
Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
قۇمان تاستانبەكوۆتى 20 - جەلتوقساندا اقتىق ساپارعا شىعارىپ سالادى

الماتى. قازاقپارات - الماتى قالاسىنىڭ مادەنيەت جانە ارحيۆ باسقارماسى تانىمال اكتەر قۇمان تاستانبەكوۆتىڭ جانازاسى وتەتىن ورنىن جانە كۇنىن حابارلادى.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ