ҚАЗ
РУС
QAZ
ENG
中文 قازاقشا
18.10.2017 XX:XX:XX>
19.09.2017   22:13
قازاقستانداعى كيەلى جەرلەر تۋرالى سايت اشىلادى

استانا. قازاقپارات - قازاقستانداعى كيەلى جەرلەردىڭ ينتەراكتيۆتى كارتاسى ورنالاستىرىلعان پورتال جىلدىڭ سوڭىنا دەيىن ىسكە قوسىلادى، دەپ حابارلايدى «قازاقپارات» ح ا ا ءتىلشىسى.

بۇل تۋرالى و ك ق- دا وتكەن باسپا ءسوز ءماسليحاتى بارىسىندا «قاسيەتتى قازاقستان» عىلىمي- زەرتتەۋ ورتالىعىنىڭ جەتەكشىسى بەرىك ءابدىعالي حابارلادى.

«كيەلى ورىندار تۋرالى اقپارات الۋدى ىڭعايلى ەتۋ ءۇشىن جىلدىڭ اياعىنا دەيىن ارنايى ۆيرتۋالدى ينتەراكتيۆتى كارتا جاسالىپ جاتىر. ينتەرنەتتەن كەز كەلگەن ۋاقىتتا كىرىپ، وڭىرلەردىڭ قانداي تاريحى بار، وعان قالاي جەتۋگە بولادى - سونىڭ ءبارىن كارتادان بىلۋگە بولادى. ول كارتانى جاساۋ ءۇشىن ارنايى جۇمىس توبى قۇرىلدى»، - دەيدى بەرىك ءابدىعالي.

 ۆيرتۋالدى ينتەراكتيۆتى كارتانى جاساۋعا اتسالىسىپ جاتقان ورتالىق وكىلى قايسار تۇرسىنعوجانىڭ ايتۋىنشا، كارتانىڭ بارلىق عىلىمي جۇمىسىن عالىمدار مەن ەتنوگرافتار اتقارسا، ونىڭ تەحنيكالىق ۇيلەستىرۋىن جۇمىس توبى قولعا الماق.

 «نەگىزگى جالپى ۇلتتىق دەڭگەيدەگى نىسانداردى التى توپقا بولدىك. ياعني، ولار گەوگرافيالىق، ارحەولوگيالىق، تاريحي تۇلعالار مەن ساياسي وقيعالارعا قاتىستى جەرلەر، ءدىني جانە عيباداتتانۋ جەرلەرى بولىپ بولىنەدى. سايت تولىق فۋنكتسيونالدى، ءۇش تىلدەگى اقپارات كوزى بولادى. موبيلدى قوسىمشالارى تۋرالى تاعى دا ايتا جاتارمىز. كەيبىر جىلجىمالى ەلەمەنتتەرىمەن بىرگە ءار نىساننىڭ ءوز بەلگىسى بار. سايتتا ادامدارعا ىڭعايلى بولۋ ءۇشىن «ىزدەۋ» قىزمەتىنىڭ بىرنەشە ءتۇرى قاراستىرىلعان. ياعني، نىسانداردىڭ كاتەگورياسى جانە تىكەلەي اتاۋىن ەنگىزۋ ارقىلى ىزدەۋگە بولادى. ماسەلەن، قۇنانباي قاجى مەشىتى تۋرالى ىزدەسەڭىز، ول تۋرالى شاعىن اقپاراتپەن قاتار، تولىعىراق مالىمەتىن، فوتو جانە ۆيدەوگالەرەياسىن دا ۇسىنا الامىز. مۇمكىندىگىنشە، ۇيىڭىزدە وتىرىپ- اق سايتتا سول كەشەنگە ۆيرتۋالدى «ساپار» جاساپ قايتۋ جولدارى قاراستىرىلعان. سونىمەن بىرگە، پورتالدى جاساعان كەزدە بەلگىلى ءبىر ديناميكا بولۋى كەرەك. ءار ادام كۇندەلىكتى تۇردە پايدالانا الاتىنداي ىڭعايلى ەتىپ جاسادىق. ول جەرگە قاي تۋريستىك فيرما بارا الادى، ونىڭ قىزمەتى قۇنى قانداي - وسى ىسپەتتەس ساۋالداردىڭ ءبارىنىڭ جاۋابىن سايتتان بىلە الاسىزدار»، - دەيدى قايسار تۇرسىنعوجا.

 اۆتور: ايان بەكەن ۇلى

Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
ايسۇلتان نازاربايەۆ قىزمەتىنەن بوساتىلدى

استانا. قازاقپارات - ايسۇلتان نازاربايەۆ قازاقستان فۋتبول فەدەراتسياسى ۆيتسە-پرەزيدەنتىنىڭ مىندەتىن اتقارۋشى قىزمەتىنەن بوساتىلدى.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ