ҚАЗ
РУС
QAZ
ENG
中文 قازاقشا
12.12.2017 XX:XX:XX>
18.09.2017   15:20
موڭعولياداعى كەشەننىڭ ەلتەرىس قاعانعا قاتىسى بولۋى ۇلكەن جاڭالىق بولايىن دەپ تۇر - مىرزاتاي جولداسبەكوۆ

استانا. قازاقپارات - مەملەكەت قايراتكەرى، پروفەسسور مىرزاتاي جولداسبەكوۆ تۇركى اكادەمياسى حالىقارالىق ۇيىمىنىڭ موڭعولياداعى «شيۆەەت ۋلان» عۇرىپتىق كەشەنىندە جۇرگىزگەن قازبا جۇمىستارىنىڭ ناتيجەسىنە قاتىستى پىكىرىن ءبىلدىرىپ، اكادەميانىڭ اتقارعان ەڭبەگىن جوعارى باعالادى، دەپ حابارلايدى «قازاقپارات» ح ا ا ءتىلشىسى.

  «از ۋاقىتتىڭ ىشىندە يگىلىكتى ىستەر اتقارىلعان ەكەن. ءوزىم قاتتى قۋانىپ وتىرمىن. بىرلەسە جۇمىس جۇرگىزۋدى قولعا الىپ، وسىنىڭ بارىنە مۇرىندىق بولىپ وتىرعان موڭعوليا ۇكىمەتىنە، ونداعى مۋزەي باسشىلارىنا ەلىمىزدىڭ اتىنان شىن جۇرەكتەن العىسىمدى بىلدىرگىم كەلەدى. وندا ۇلى حاندارىنىڭ اۋلەتىنىڭ كەشەندەرى جاتىر. سىزدەر بارىپ (تۇركى اكادەمياسى - اۆت.) زەرتتەگەن جاق بۇرىن اشىلماعان ەدى. زەرتتەۋشىلەردىڭ تابانى تيمەگەن جەر ەدى. جالپى قازاقستان مەن موڭعوليا جەرىندە ۇلى دالانىڭ تاريحى جاتىر. وسى تاريحتىڭ سىرىن اشۋعا ەكسپەديتسيانىڭ كەلەشەكتەگى جۇمىسى ۇلكەن سەپتىگىن تيگىزەدى دەپ قۋانىپ وتىرمىن. بۇل تۇركولوگيا ىلىمىندەگى ۇلكەن قادام، ايتارلىقتاي جاڭالىق دەپ ەسەپتەيمىن. تۇركى اكادەمياسى از عانا ۋاقىتتىڭ ىشىندە موڭعولياعا بارعان سايىن كوپ جاڭالىقتاردى اكەلىپ جاتىر. ەگەر شىنىندا دا، ەكىنشى تۇركى قاعاناتىن قۇرعان، اسا ۇلى تۇركى قاعانى ەلتەرىس قۇتلىق قاعانعا بايلانىستى كەشەندەر بولاتىن بولسا، مىناۋ ۇلكەن ءبىر قۇدىرەتتى جاڭالىق بولايىن دەپ وتىر. سوندىقتان، وسى يگىلىكتى جۇمىسقا ساتتىلىك تىلەيمىن»، - دەدى مىرزاتاي جولداسبەكوۆ.

 ەسكە سالا كەتسەك، بۇگىن ۇلتتىق كىتاپحانادا تۇركى اكادەمياسى حالىقارالىق ۇيىمىنىڭ پرەزيدەنتى دارحان قىدىرالى «كەنتايدان  ۇلىتاۋعا دەيىن: تاريحي سانانىڭ جاڭعىرۋى» اتتى 3 - حالىقارالىق ەكسپەديتسياسىن قورىتىندىلاپ، موڭعوليادا جۇرگىزىلگەن قازبا جۇمىستارىنىڭ ناتيجەسىمەن تانىستىرعان بولاتىن. موڭعوليانىڭ «شيۆەەت ۋلان» عۇرىپتىق كەشەنىندە جۇرگىزىلگەن قازبا جۇمىستارى ناتيجەسىندە زەرتتەلگەن ورىننىڭ ەلتەرىس قاعانعا ارنالعاندىعى ايقىندالىپ وتىر.

Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
سينوپتيكتەردىڭ 12- جەلتوقسانعا ارنالعان اۋا رايى بولجامى

 استانا. قازاقپارات - اتموسفەرالىق فرونتتاردىڭ وتۋىنە بايلانىستى 12- جەلتوقسان كۇنى ەلدىڭ باسىم بولىگىندە جاۋىن-شاشىن (قار) جاۋادى.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ