ҚАЗ
РУС
QAZ
ENG
中文 قازاقشا
21.09.2017 XX:XX:XX>
14.09.2017   13:23
قوستانايدا شاقشاق جانىبەك ەسكەرتكىشى اشىلدى

قوستاناي. قازاقپارات - قوستانايدا جانىبەك قوشقار ۇلىنىڭ ەسكەرتكىشى بوي كوتەردى، دەپ حابارلايدى قازاقپارات ءتىلشىسى.

 تاعىلىمدى شاراعا ق ر پارلامەنتىنىڭ دەپۋتاتتارى، ەلىمىزگە تانىمال اقىن- جازۋشىلار ارنايى كەلگەن. ءراسىمنىڭ اشىلۋ سالتاناتىندا ءسوز سويلەگەن قوستاناي وبلىسىنىڭ اكىمى ارحيمەد مۇحامبەتوۆ باتىر باباعا ارنالعان ەسكەرتكىشتىڭ ءمان- ماڭىزىنا توقتالدى.

 «بۇل يگى ءىس ەلباسى ۇسىنعان «تۋعان جەر» باعدارلاماسىنىڭ شەڭبەرىندە ۇيىمداستىرىلىپ وتىر. ەلدىكتى كورسەتەر ساۋلەتتى ەسكەرتكىشتى قالانىڭ كىرەبەرىسىنە قويعانىمىز دا بەكەر ەمەس. قالاعا كەلگەن قوناقتار تارحان بەينەسىنە قاراپ، قازاق باتىرىنىڭ رۋحىن بويىنا سىڭىرەدى. جانىبەك ەردىڭ قۇنىن ەكى اۋىزبەن شەشە الاتىن كوسەم بولعان دەسەدى. جاس ۇرپاق مۇنى ءبىلۋى ءتيىس، - دەدى وبلىس اكىمى. جوبا باستاماشىسى، بەلگىلى اكادەميك كەنجەعالي ساعاديەۆ قارجى جيناۋعا اتسالىسقان ەل ازاماتتارىنا العىسىن ءبىلدىردى.

Қостанайда Шақшақ Жәнібек ескерткіші ашылды

 «ءبىز بۇگىن تاريحي ءساتتىڭ كۋاسى بولىپ وتىرمىز. تارحان جانىبەك ەل تاۋەلسىزدىگىن اڭسادى. وسى جولدا قولعا قىلىش الدى. بابامىز - مىقتى مامىلەگەر. بۇل تۋرالى بىرنەشە تاريحي دەرەكتەر ايعاقتايدى. ەسكەرتكىش كوپتىڭ جۇمىلۋىمەن اشىلدى. بارشا قوستانايلىقتارعا العىسىمدى بىلدىرەمىن»، - دەدى كەنجەعالي ساعاديەۆ.

بەلگىلى جازۋشى سابيت دوسانوۆ، اقىن سەرىك تۇرعىنبەك ۇلى وزدەرىنىڭ جۇرەكجاردى لەبىزدەرىن ءبىلدىردى. مۇنان سوڭ شاقشاق جانىبەكتىڭ تىكەلەي ۇرپاعى راحىم جۇماعۇلوۆ پەن اكادەميك كەنجەعالي ساعاديەۆ باتىر ەسكەرتكىشىن سالتاناتتى تۇردە اشتى.

«سالت اتقا قونعان باتىر ءمۇسىنىن تۇرعىزۋ جۇمىستارى قاڭتار ايىندا باستالدى. باتىرعا ارنالعان بەلگى ەرىكتى ادامداردىڭ قارجىسىنا تۇرعىزىلدى. قارجى جيناۋ ءۇشىن «جانىبەك- تارحان» قوعامدىق قايىرىمدىلىق قورى قۇرىلدى»، - دەدى «اساليا» مەردىگەر- فيرما باسشىسى دۋلات شاياحمەتوۆ.

 تاريحي تۇلعانىڭ تۇعىرى قالانىڭ باتىس جاق كىرەبەرىسىندەگى اينالما جولدىڭ ورتاسىنا قويىلدى. شاقشاق جانىبەك ەسكەرتكىشى قۇرىلىسىنا 270 توننا تاس جۇمسالدى. ەسكەرتكىشتىڭ وزىنە الماتى وبلىسىندا وندىرىلگەن قولا پايدالانىلدى. نىساننىڭ بيىكتىگى -14,45 مەتر. سكۋلپتور - بەلگىلى مادەنيەت قايراتكەرى قادىرجان كاكىموۆ. ول اتىراۋداعى سۇلتان بەيبارىس ەسكەرتكىشىن دە جاساعانىن ايتا كەتەيىك. باتىر باباعا ارنالعان باعدارلامالار لەگى ا. بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىندە جالعاسادى. وقۋ ورنىنىڭ ءماجىلىس زالىندا «شاقشاق جانىبەك - ۇلى دالانىڭ ۇلى تۇلعاسى» اتتى حالىقارالىق عىلىمي- تاجىريبەلىك كونفەرەنتسيا وتەدى.

 باتىر جولاي ۇلى

Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
شىمكەنتتە ۇيالى تەلەفوندارعا ەكسترەميستىك ۋاعىزدار جازىپ ساتقان قىلمىستىق توپ ۇستالدى

شىمكەنت. قازاقپارات - شىمكەنتتىڭ ورتالىعىندا ارنايى جاساق قىزمەتكەرلەرى دەسترۋكتيۆتى ءدىني اعىمدارىنىڭ ۇستانۋشىلارىنان قۇرالعان قىلمىستىق توپتى ۇستاعان.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ