ҚАЗ
РУС
QAZ
ENG
中文 قازاقشا
20.11.2017 XX:XX:XX>
14.09.2017   08:04
ۆاسيلي لەۆيت پەن باحتيار ارتايەۆ مەملەكەتتىك قىزمەتشى بولماق

استانا. قازاقپارات - بيىل قازتۇتىنۋوداعى قاراعاندى ەكونوميكالىق ۋنيۆەرسيتەتىنىڭ (ق ە ۋ) ماگيستراتۋراسىنا «جۇلدىزدى» توپ وقۋعا ءتۇستى.

ولاردىڭ قاتارىندا اتاقتى سپورتشىلار مەن ايتىسكەرلەر بار، دەپ حابارلايدى قازاقپارات قاراعاندى وبلىسى اكىمدىگىنە سىلتەمە جاساپ.

اتاپ ايتقاندا، «كەدەندىك قىزمەت» ماماندىعى بويىنشا ق ە ۋ ماگيستراتۋراسىنا وليمپيادا ويىندارىنىڭ جۇلدەگەرى ۆاسيلي لەۆيت ءتۇستى. سونىمەن قاتار اتالمىش جوعارى وقۋ ورنىندا بەلگىلى بوكسشى، وليمپيادا چەمپيونى باحتيار ارتايەۆ تا وقيتىن بولادى. ول «مەملەكەتتىك جانە جەرگىلىكتى باسقارۋ» ماماندىعىن تاڭداعان. ال اتاقتى ايتىسكەر ديدار كاميەۆ «قۇقىقتانۋ» بويىنشا ءبىلىمىن جەتىلدىرمەك.

بارلىعى مەملەكەتتىك گرانت نەگىزىندە تەگىن وقيتىن بولادى.

«مەن سەرىك ساپيەۆتىڭ ءىزىن قۋىپ، وسىندا ءتۇستىم. ول وسى ۋنيۆەرسيتەتتە وقيدى. ءبىرىنشى العان جوعارى ءبىلىمىم - زاڭگەر، ەكىنشىسىندە كەدەندىك قىزمەتتى تاڭدادىم. كەلەشەكتە ءومىرىمدى وسى ماماندىقپەن بايلانىستىرۋىم ابدەن مۇمكىن»، - دەدى ۆاسيلي لەۆيت.

ايتا كەتەيىك، وسىعان دەيىن ۆاسيلي لەۆيت ق ە ۋ- دە قوناق رەتىندە بولىپ، ستۋدەنتتەرمەن كەزدەستى، ولارعا شەبەرلىك ساباقتارىن بەردى. ۋنيۆەرسيتەت ءوزىنىڭ سپورتتىق بازاسىمەن تانىمال.

وليپيادا چەمپيونى، ۆەل باركەر كۋبوگىنىڭ يەگەرى، بۇگىندە ق ر پارلامەنتى ءماجىلىسىنىڭ دەپۋتاتى سەرىك ساپيەۆ ەكى جوعارى بىلىمگە يە. ول ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «دەنە شىنىقتىرۋ پەداگوگى»، «قۇقىقتانۋ» ماماندىقتارى بويىنشا ءتامامداعان. سونان سوڭ قاراعاندى مەملەكەتتىك تەحنيكالىق ۋنيۆەرسيتەتىندە «تاۋ كەن ءىسى» ماماندىعى بويىنشا ديپلوم العان. «سپورتتىق مەنەدجەر» ماماندىعى بويىنشا «بولاشاق» باعدارلاماسىنىڭ ستيپەنديانتى بولدى. قازىرگى تاڭدا سەرىك ساپيەۆ «مەملەكەتتىك جانە جەرگىلىكتى باسقارۋ» ماماندىعى بويىنشا ق ە ۋ- نىڭ باكالاۆرياتىندا ءبىلىم الۋدا.

بيىلعى جىلى ق ە ۋ- گە، سونىمەن قاتار ۇلتتىق قۇراما مۇشەلەرى مەن سپورت شەبەرلەرى دە تۇسكەن. ولاردىڭ قاتارىندا ميني- فۋتبول بويىنشا قازاقستاننىڭ ءۇش دۇركىن چەمپيونى ۆلاديسلاۆ چەرنوموردوۆ، قازاق كۇرەسى بويىنشا ەلىمىزدىڭ جاستار قۇراماسىنىڭ مۇشەسى سەرجان بەيسەنبايەۆ جانە بياتلوننان يۋنيورلار اراسىندا ەلىمىزدىڭ ەكى دۇركىن چەمپيونى، وليمپيادا قۇراماسىنا ۇمىتكەر ەڭ جاس سپورتشى ۆيكتوريا كاتايەۆا بار.

 

 

 

 Басты сөздер: قوعام
Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
الماتىدا لاڭكەستىككە قارسى وقۋ-جاتتىعۋ شاراسى ءوتىپ جاتىر

الماتى. قازاقپارات - الماتىدا روزىباكيەۆ كوشەسىندە ورنالاسقان «Mega Alma-Ata»  ساۋدا ۇيىندە لاڭكەستىككە قارسى وقۋ-جاتتىعۋ شارالارى ءوتىپ جاتىر، دەپ حابارلايدى قازاقپارات ءتىلشىسى.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ