ҚАЗ
РУС
QAZ
ENG
中文 قازاقشا
19.11.2017 XX:XX:XX>
14.09.2017   07:47
استاناداعى حالىقارالىق ايتىستىڭ باس جۇلدەسىن جانداربەك بۇلعاقوۆ جەڭىپ الدى - فوتو

استانا. قازاقپارات - استانانىڭ «قازاقستان» كونتسەرت زالىندا وتكەن «رۋح جاڭعىرىعى» اتتى حالىقارالىق اقىندار ايتىسىنىڭ باس جۇلدەسىن جانداربەك بۇلعاقوۆ ۇتىپ الدى.

جەڭىمپازعا «Hiunday» اۆتوكولىگى تابىستالدى، دەپ حابارلايدى «قازاقپارات» ح ا ا ءتىلشىسى.

حالىقارالىق دارەجەدەگى ايتىستىڭ ۇيىمداستىرىلۋىنا حالىقارالىق مەديتسينا ورتالىعىنىڭ باسشىسى جاسان زەكەي ۇلى مۇرىندىق بولىپ وتىر. ايتىس الدىندا دەمەۋشىگە استانا قالاسىنىڭ اكىمى اسەت يسەكەشەۆتىڭ العىس حاتى تابىس ەتىلدى.

 null

«ەلباسىمىزدىڭ «بولاشاققا باعدار: رۋحاني جاڭعىرۋ» اتتى ماقالاسىنا وراي، ەل رۋحىنىڭ جاڭعىرۋىنا قارلىعاشتىڭ قاناتىمەن سۋ سەپكەندەي ۇلەسىمدى قوسسام دەپ ەدىم. استانادا ءۇش جىل بويى ايتىس وتپەي قويىپ ەدى. سوندىقتان كەرەمەت ايتىسقا سارسەنبىنىڭ ءساتىن تاڭداپ وتىرمىز. اقىندارعا ساتتىلىك سەرىك بولسىن»، - دەدى جاسان زەكەي ۇلى.

حالىقارالىق اقىندار ايتىسىن اقىن سەرىك قۇسانبايەۆ جۇرگىزدى. ءسوز دوداسىنا ەلىمىزدىڭ تۇكپىر-تۇكپىرىنەن جانە قىتاي، موڭعوليادان ىرىكتەلگەن 16 اقىن، اتاپ ايتقاندا: ەسىمجان ناقتىباي ۇلى، اردابەك اقبابا، ارزىگۇل قايىڭبەك قىزى، مۇرادىم ميرلانوۆ، اينۇر تۇرسىنبايەۆا، نۇرلان بەكتىبايەۆ، قابدىجالەل ساحاريا ۇلى، ءمولدىر ايتباي، جانداربەك بۇلعاقوۆ، سىرىم اۋەزحان، ىڭكاربەك ءادىلحان، تالعات مىقي، فارحات مارات ۇلى، مۇحامەدجان مانسۇروۆ، قۋانىش نۇرجانوۆ، اسەت دۇيسەبيەۆ كەلگەن. ال تورەشىلەر قاۋىمىنىڭ قۇرامىندا ايتىسقا ەلىمىزگە بەلگىلى عاريفوللا ەسىم، ورازگۇل اسانعازى قىزى، بالعىنبەك يماشيەۆ، ءومىرزاق وزعانباي، گۇلميرا كۋباشيەۆا، قونىسباي ءابىلوۆ قاتارلى تانىمال تۇلعالار تورەلىك ەتتى.

null 

null
«ۇرىستا تۇرىس بولمايدى» دەمەكشى ساحناعا ءبىرىنشى بولىپ ەسىمجان ناقتىباي ۇلى مەن ىڭكاربەك ءادىلحان شىقتى. قوس اقىننىڭ «رۋحاني كود دەگەن ءتىل مەن ءدىنىڭ» جانە ء«تورت بۇرىش ەكرانعا بايلانعاندار، توردەگى اتا- اناسىن ۇمىتىپ ءجۇر» دەگەندەي تۇيدەك- تۇيدەك ويلارى حالىقتىڭ زور قوشەمەتىمەن ءوز باعاسىن الدى.

 null

null

ەكىنشى جۇپ بولىپ شىققان اردابەك اقبابا مەن نۇرلان بەكتىبايەۆ شاپپا- شاپ ايتىستىڭ ناعىز ۇلگىسىن كورسەتتى. نۇرلاننىڭ «نۇرلانىپ نۇرىن شاشقان نۇرقالاعا، نۇر ۇستىنە نۇر بولىپ نۇرلان كەلدى» دەگەنى كورەرمەننىڭ ەزۋىن تارتقىزسا، اردابەك ءوز كەزەگىندە «ۇلىق بوپ كەتكەن ۇلىسى، ۇلىقبەك تۋعان اۋداننان» كەلگەنىن ايتىپ كورەرمەننىڭ قۇلاق قۇرىشىن قاندىردى. نۇرلاننىڭ اردابەكتىڭ بەت- الپەتىنە تيىسكەن ءازىلى دە «بۇل زاماندا بەتى شۇبار مەنەن ەمەس، ءتىلى شۇبار جانداردان قورىققايسىڭ» نەمەسە «وزگە تىلدە سايرايتىن بۇلبۇلداردان، ءوز تىلىندە سايرايتىن قارعا جاقسى» دەگەندەي ۇتىمدى جاۋابى سوڭعى اقىننىڭ جەڭىسىمەن اياقتالدى.

 null

null

كەشتەگى حالىقتىڭ زور قوشەمەتىنە يە بولعان ايتىستىڭ ۇلگىسىن اينۇر تۇرسىنبايەۆا مەن سىرىم اۋەزحان كورسەتتى. اپكە مەن ءىنىنىڭ ادەمى ازىلگە قۇرىلعان ايتىسى كورەرمەندەردى دۋ كۇلدىرگەنىن اتاپ وتۋگە بولادى. قوس اقىننىڭ تارتىستى ايتىسىن اينۇر «جەلبىرەپ كەلگەن ايتىسقا، جەلكىلدەپ قايتشى تىلەگىم» دەپ ۇتىمدى تۇيىندەدى. اتالعان ايتىستا سىرىم ەكى ۇپايمەن قارسىلاسىنان باسىم ءتۇستى.

ايتىس بارىسىندا سونىمەن بىرگە، اسەت دۇيسەبايەۆ پەن تالعات مىقيدىڭ، جانداربەك بۇلعاقوۆ پەن ارزىگۇل قايىڭبەك قىزىنىڭ، قابدىجالەل ساقاريا ۇلى مەن فارحاد مارات ۇلىنىڭ، نۇرلان بەكتىبايەۆ پەن مۇحامەدجان مانسۇروۆتىڭ، مۇرادىم ميرلانوۆ پەن ءمولدىر ايتبايدىڭ ايتىسى كوپشىلىكتىڭ قوشەمەتىنە يە بولدى.

null 

null

ايتىستىڭ العاشقى كەزەڭىنىڭ قورىتىندىسى بويىنشا، اقتىق سايىسقا سىرىم اۋەزحان مەن جانداربەك بۇلعاقوۆ، اينۇر تۇرسىنبايەۆا مەن اسەت دۇيسەبايەۆ شىقتى. ءبىرىنشى بولىپ شىققان سىرىم مەن جانداربەكتىڭ تارتىستى ءسوز دوداسى قوس اقىننىڭ ەڭ جوعارعى 70 ۇپاي الۋىمەن اياقتالدى. ەكى اقىن ەل ومىرىندەگى ەڭ وزەكتى ماسەلەلەردى قوزعاعانىن اتاپ ءوتۋ كەرەك. اقتىق سايىستىڭ ەكىنشى جۇبىندا ايتىسقان اينۇر مەن اسەت كەزەك- كەزەك ءسوز بارىمتاسىنىڭ ۇلگىسى قانداي بولاتىنىن تانىتا ءبىلدى. اينۇر ايتىس سوڭىندا اسەتكە جول بەردى.

 null

حالىقارالىق ايتىستىڭ ناتيجەسى بويىنشا جۇلدەگە ىلىكپەگەن التى اقىنعا ىنتالاندىرۋ سىيلىعى رەتىندە 100 مىڭ تەڭگەدەن تابىستالدى. سونىمەن بىرگە، جوعارى ۇپاي العان تاعى التى اقىن 200 مىڭ تەڭگەلىك سەرتيفيكاتپەن ماراپاتتالدى. جۇلدەلى ءۇشىنشى ورىن اينۇر تۇرسىنبايەۆاعا (500 مىڭ تەڭگە) بۇيىرسا، ەكىنشى ورىنعا اسەت دۇيسەبايەۆ (700 مىڭ تەڭگە) يە بولدى. حالىقارالىق ايتىستى ۇيىمداستىرىپ وتىرعان جاسان زەكەي ۇلى اسەتكە سونىمەن بىرگە، 500 مىڭ تەڭگەلىك ارنايى «جاساي» سىيلىعىن تابىستادى. جۇلدەلى ءبىرىنشى ورىن سىرىمعا بۇيىرىپ، وعان 1 ميلليون تەڭگەنىڭ سەرتيفيكاتى بەرىلدى. باس جۇلدە - جانداربەك بۇلعاقوۆتا. ەل قوشەمەتىنە بولەنگەن اقىنعا «Hiunday» اۆتوكولىگى تابىستالدى.

 «جالپى ەلباسىنىڭ «رۋحاني جاڭعىرۋ» اتتى ساليقالى ماقالاسىندا ۇلتتىق رۋح، ۇلتتىق مادەني قۇندىلىقتارىمىز، ونىڭ ىشىندەگى سالالى باعىتتار بويىنشا كەلەلى ماسەلەلەر كوتەرىلدى. سول ۇلتتىق باعىتتى تەمىرقازىق ەتىپ، ايتىس وتكىزىپ جاتقان جاسان اعامىزعا ۇلكەن ريزاشىلىعىمىزدى بىلدىرەمىز. ۇلتتىق مادەنيەتتى دارىپتەيتىن ونەر دولاسى كوپشىلىكتىڭ كوڭىلىەن شىقتى دەگەن ويدامىن»، - دەگەن ق ر مادەنيەت جانە سپورت مينيسترلىگىنىڭ وكىلى گۇلميرا قۋاشەۆا جاسان زەكەي ۇلىنا مادەنيەت جانە سپورت ءمينيسترى ارىستانبەك مۇحامەدي ۇلىنىڭ العىس حاتىن تابىس ەتتى.

 null

null

null

 Басты сөздер: مادةنيةت
Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
گۇلبانۋ ءازىمحانوۆا «الەم ارۋى-2017» بايقاۋىنىڭ توپ-40 قاتارىنان كورىندى - فوتو

استانا. قازاقپارات - قىتايداعى «الەم ارۋى-2017» بايقاۋىنا قازاقستان اتىنان قاتىسىپ جاتقان گۇلبانۋ ءازىمحانوۆا توپ-40 ارۋدىڭ قاتارىنا ەندى.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ